Klassieke karre pronk in Lüderitz

Lüderitz was Woensdag ’n byenes van aktiwiteite. Eerstens het die passasierskip AIDAaura vir die derde keer vanjaar in die hawe geanker, en ’n rukkie later het ses klassieke motors in die dorp ingery.Dié motors is deel van die eerste Omaruru Classic Cars Road Trip met Simon van Zyl aan die stuur van sake.“Ek was jare lank lid van die motorfietsklub Life to Ride en ons het elke jaar ons Diamond Run na Lüderitz gedoen. Ons het dan ’n skenking vir die Hermiene Offen-ouetehuis in die dorp en die Helpende Hand-ouetehuis in Nautilus gegee. Vanjaar het ons besluit om dit bietjie anders te doen en ons het met ses klassieke karre gery,” het hy gesê. Die motors het uit Walvisbaai weggetrek op pad na Omaruru. Van daar af het hulle vanaf die Omaruru Classic Cars se werkswinkel – waar ou voertuie herstel en gerestoureer word – vertrek en via Windhoek en Keetmanshoop na Lüderitz gery. “Vanjaar het ons net ses voertuie gehad wat almal aan die Omaruru Classic Cars verbonde is. Volgende jaar wil ons die Omaruru Classic Cars Road Trip vir Namibiërs en Suid-Afrikaners op uitnodiging aanbied. Ons sal dan miskien die Noorde besoek. Ons weet nog nie, maar dit sal beslis ’n gereelde instelling word.”Volgens Van Zyl ry hy ’n 1972 Ford Mustang Mach 1 en die ander voertuie is ’n 1981 Chevy Corvette, ’n 1965 Ford Fairline, ’n 1971 en ’n 1977 Chevy Camaro en ’n 1969 Buick Reviera. OMARURU CLASSIC CARSSimon en drie manne wat passievol oor die herstel en restourasie van klassieke motors is, het verlede jaar die werkswinkel op Omaruru oopgemaak.“Ons het basies ons jare lange stokperdjie gevat en dit ons werk gemaak. Ons het die plek in Omaruru geopen en doen van daar af die herstelwerk vir die hele land.” – tanja@republikein.com.na

Klassieke karre pronk in Lüderitz

Kommentaar

Republikein 2026-02-03

Meld asseblief aan om kommentaar te lewer

Klassieke karre pronk in Lüderitz

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.