Hemelse klanke op straat

“Ons is ses lede in die blaasorkes en in die week – veral op Vrydae – deel ons onsself in kleiner groepe en dan speel ons by verskillende plekke in die dorp. “Ons samel geld in om ’n CD te kan opneem en dat ons vir onsself ordentlike klere kan koop. Klere wat dieselfde is sodat almal kan sien ons behoort aan die Genesis Brass Band,” het Eric Nakasole (26), die trompetspeler van die orkes, gesê. Eric se tannie het hom op 15-jarige ouderdom geleer om dié instrument te speel. “My tannie het by die meester Jefta Goraseb geleer; en sy het dit verder vir ons geleer – so deur die generasies deur. Blaasinstrumente is in ons bloed.”Eric was saam met sy vriende deel van die Hope Brass Band en saam het hulle drie CD’s vrygestel. “Ons ses het egter die Genesis Brass Band begin. Dis ’n orkes vir jongmense en ons wil nou ’n CD vrystel.”Eric speel nie net die trompet nie alhoewel dit sy gunsteling-instrument is. “Ek is mal oor die klank en die trompet is my passie. Dit is my instrument wat ek speel wanneer ek hartseer is, die lewe erg druk of ek moedeloos is. Dit laat my altyd beter voel. “Dit is my instrument as ek gelukkig en opgewonde is. Die trompet is eenvoudig my instrument deur dik en dun. Ek is baie passievol oor musiek.”Hy speel ook die kitaar, tromme en klavier. Genesis tree by begrafnisse, troues, verjaardagpartytjies en allerhande ander funksies op. “Ons sal ook graag saam met ander gospelkunstenaars wil werk. Mense is welkom om ons by 081 305 9228 vir enige geleentheid te bespreek.”“My grootste droom is om vir ander kinders en jeugdiges te leer hoe om ’n instrument te speel. Ek dink dit sal hulle van die strate af weghou en besig hou. Dit is baie duur om by ’n kollege of so klasse te neem. Ek wil vir hulle leer en dalk hoop gee.”Volgens Eric is dit nooit te laat om ’n verandering te maak nie.“Niks kan jou onderkry nie. Niks is onmoontlik nie. Wees net sterk en hou aan bid. Hou aan om in jouself te glo en jy sal daar uitkom.” – tanja@republikein.com.na

Hemelse klanke op straat

Kommentaar

Republikein 2025-05-01

Meld asseblief aan om kommentaar te lewer

Hemelse klanke op straat

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie