Grootwildjagter sterf in Kameroen
Bereik glo hospitaal nie betyds
Felix Marnewecke was 'n trusteelid van Hunters United Agains Poaching (Huap) en het hom beywer vir etiese en volhoubare jag.
’n Bekende in Namibiese jagkringe en ’n trusteelid van Hunters United Against Poaching, (Huap), Felix Marnewecke (51), het Paasmaandag in Kameroen gesterf.
Die president van die Namibiese Professionele Jagtersvereniging (Napha), Axel Cramer, het sy skok oor Marnewecke se dood uitgespreek.
“Dis baie hartseer, ons is almal so geskok. Ons wag nog vir bevestiging, maar dit lyk of Felix tifuskoors in Kameroen gekry het en hy het dit nie betyds tot by die hospitaal gemaak nie.”
Tifuskoors word deur insektebyte veroorsaak. Uit die Kameroense oerwoud waar Marnewecke baie siek geword het, sou dit blykbaar twee dae neem om hom na die naaste hospitaal in Douala, die ekonomiese hoofstad, wat langs die Atlantiese Oseaan geleë is, te neem.
“Die ergste is dat hy so diep in Afrika gesterf het. Daar is nie ’n Namibiese ambassade of konsulaat in Kameroen nie, wat dit bemoeilik om reëlings te tref om sy liggaam te probeer terugbring,” het Cramer gesê.
Napha-lede is nog in rou nadat ’n ander bekende professionele jagter en raadslid twee maande gelede tragies gesterf het. Op 6 Februarie is die 55-jarige Royston Wright, eienaar van Okatjeru Hunting Safaris Namibia en Bobbejaandam Tented Chalets, deur weerlig op die plaas naby die Hosea Kutako Internasionale Lughawe doodgeslaan.
Napha-lid Danene van der Westhuyzen was goeie vriende met Marnewecke en het aan Republikein gesê haar hart is stukkend.
Hy was sedert 1996 ’n geregistreerde professionele grootwildjagter in Namibië. Hy het in die meeste grootwildkonsessies in Namibië, asook in ’n aantal ander Afrikalande gejag.
Marnewecke se toewyding aan bewaring was sy dryfveer om aktief betrokke te wees by alle aspekte van Napha en die Namibiese jagbedryf.
Hy was vir ’n aantal jare ’n lid van Napha se grootwildkomitee en toegewy daaraan om alle pogings te ondersteun om stropery en onwettige wildhandel in Namibië te beveg.
“Felix was ’n kleurvolle karakter en het gestaan vir skoon, etiese en volhoubare jag,” het Cramer bevestig.
Marnewecke het in 2012 die dood naelskraap vrygespring toe ’n gekweste buffel in die Bamunu-bewaringsgebied naby die Linyantirivier in die ooste van die Zambezistreek hom gegaffel het.
Marnewecke word deur sy ouers, ’n broer, seun Kai, en 22-jarige dogter Senia oorleef wat in Suid-Afrika woon.
– [email protected]
Die president van die Namibiese Professionele Jagtersvereniging (Napha), Axel Cramer, het sy skok oor Marnewecke se dood uitgespreek.
“Dis baie hartseer, ons is almal so geskok. Ons wag nog vir bevestiging, maar dit lyk of Felix tifuskoors in Kameroen gekry het en hy het dit nie betyds tot by die hospitaal gemaak nie.”
Tifuskoors word deur insektebyte veroorsaak. Uit die Kameroense oerwoud waar Marnewecke baie siek geword het, sou dit blykbaar twee dae neem om hom na die naaste hospitaal in Douala, die ekonomiese hoofstad, wat langs die Atlantiese Oseaan geleë is, te neem.
“Die ergste is dat hy so diep in Afrika gesterf het. Daar is nie ’n Namibiese ambassade of konsulaat in Kameroen nie, wat dit bemoeilik om reëlings te tref om sy liggaam te probeer terugbring,” het Cramer gesê.
Napha-lede is nog in rou nadat ’n ander bekende professionele jagter en raadslid twee maande gelede tragies gesterf het. Op 6 Februarie is die 55-jarige Royston Wright, eienaar van Okatjeru Hunting Safaris Namibia en Bobbejaandam Tented Chalets, deur weerlig op die plaas naby die Hosea Kutako Internasionale Lughawe doodgeslaan.
Napha-lid Danene van der Westhuyzen was goeie vriende met Marnewecke en het aan Republikein gesê haar hart is stukkend.
Hy was sedert 1996 ’n geregistreerde professionele grootwildjagter in Namibië. Hy het in die meeste grootwildkonsessies in Namibië, asook in ’n aantal ander Afrikalande gejag.
Marnewecke se toewyding aan bewaring was sy dryfveer om aktief betrokke te wees by alle aspekte van Napha en die Namibiese jagbedryf.
Hy was vir ’n aantal jare ’n lid van Napha se grootwildkomitee en toegewy daaraan om alle pogings te ondersteun om stropery en onwettige wildhandel in Namibië te beveg.
“Felix was ’n kleurvolle karakter en het gestaan vir skoon, etiese en volhoubare jag,” het Cramer bevestig.
Marnewecke het in 2012 die dood naelskraap vrygespring toe ’n gekweste buffel in die Bamunu-bewaringsgebied naby die Linyantirivier in die ooste van die Zambezistreek hom gegaffel het.
Marnewecke word deur sy ouers, ’n broer, seun Kai, en 22-jarige dogter Senia oorleef wat in Suid-Afrika woon.
– [email protected]
Kommentaar
Republikein
Geen kommentaar is op hierdie artikel gelaat nie