Geroep vir 'n tyd soos hierdie

Op foto’s lyk die mooi en versorgde vrou met die gul glimlag, rooi lippe hoëhakskoene soos iemand gepas vir ‘n artikel in ‘n vrouetydskrif van die jongste modes en grimeertendense. Met dieselfde gul glimlag is sy oral op sosiale media – van Tiktok tot Instagram en Facebook en ‘n gewilde gasvrou en spreker by geleenthede waar geloof, hoop, liefde en inspirasie die botoon voer. Smaakmaker is die word wat gebruik word vir haar, en sy is ook skrywer, maar sy, is soveel meer.Dit voel en is daarom heel gepas dat ds. Farren Cloete die dominee van ‘n pienk kerk in ‘n dorp aan die Weskus in Suid-Afrika is. Dit pas net in die prentjie en die komvandaan van die Namakwalander wat met haar aardse, natuurlike manier van praat en dinge doen – van ‘n kansel in die gemeente van die Verenigde Gereformeerde Kerk (VGK) op Lambertsbaai of op ‘n video op Tiktok of Instagram – jou werklik laat voel en glo in geloof, hoop en liefde. As volbloed Namakwalander is Farren se komvandaan Springbok as dogter van Anne en Desmon Watt wat hul kinders met streng reël en altyd in pas met die Woord grootmaak. Pa Desmon was ‘n gewese skoolhoof en ma Anne het by die technikon se finansies-afdeling gewerk en is albei vandag afgetree. Haar broer Calvino Watt is dokter op sy grootworddorp en haar sus Andice Watt is ‘n onderwyser in Doebaai.In ‘n onderhoud met die joernalis Elna van der Merwe van Netwerk24, erken Farren sy het vroeg in haar lewe al vrede gemaak met “my andersheid en met wie ek is”.Ook dat skoene koop voordat sy brood koop, saam met helder lipstiek en hoëhakskoene ‘n groot liefde. Maar dit is deel van wie sy is. Haar kerkorde in haar bediening in die VGK is baie duidelik dat die ampsdrag wit en swart is en sy erken om elke dag net die twee klere te dra, maar bra vervelig is. Toe begin Farren al wat ‘n kleur skoen is by haar ampsdrag dra want “die kerkorde sê niks oor skoene en lipstick nie”, wat met mooi skoene en helder lipstiek kan sy die wêreld aanpak.Die pad van Springbok tot by haar eerste gemeente op Lambertsbaai was egter nie sonder dorings en hobbels nie, inteendeel, as passievolle bediener en verspreider van die Woord wou sy nie eers vir ‘n dominee gaan swot het nie!Farren wat meer as 170 000 volgelinge op TikTok het, erken in ‘n onderhoud met die tydskrif Kuier, dit was nie regtig deel van die planne vir haar toekoms nie. Haar koppe het regte toe gestaan en om by die Universiteit van Stellenbosch LLB te gaan swot. Haar punte vir toelating maak egter ‘n vinnige einde aan die droom, met die registrateur wat voorstel dat sy inskryf vir teologie en genoeg krediete op te bou om die jaar daarna LLB te doen. Na drie jaar het sy egter steeds teologie geswot en besef dit is eintlik haar roeping en God se plan vir haar. Sy voltooi haar Baccalaureus Divinitatis, saam met ‘n meestersgraad ‘n vereiste om ‘n leraar te word, wat sy in 2019 met lof slaag. Dieselfde jaar word Farren deur die VGK op Lambertsbaai ‘n tydelike kontrak van ses maande as leraar aangebied en na vier maande terug op Springbok laat weet die kerk sy word voltyds as dominee by die ligte pienk kerk aangestel. As groot voorstander van die LGBTQIA -gemeenskap erken Farren sy dink nie enige gemeente sou haar met sulke ope arms ontvang het nie. Maar, beklemtoon sy in die onderhoud, sy leef inklusiwiteit uit deur haar bediening want “hê elke liewe mens wat by my kerkdeure instap, maak nie saak wie of wat hulle is nie, moet welkom voel".Natuurlik was daar ook teenkanting en dae wat sy wou opgee, maar vandag voel sy elkeen moet mekaar se sienings respekteer en is elkeen geregtig op hul opinie. Maar, niemand gaan enigiemand in haar kerk waar sy die herder is laat onwelkom voel nie. Farren het tydens die Covid-19-pandemie haar rekening op TikTok geskep waar sy uittreksels van haar aanlyn dienste gelaai het. Die res is soos hulle sê geskiedenis. Dis veral vir jongmense vir wie sy wil wys watter lekker plek die kerk eintlik is in hulle ‘n wêreld waarin hulle dit nie sommer eerste sal kies nie. Sy wil vir hulle wys sy “sit nie op ‘n pedestal en drink my koffie uit ‘n glaskoppie terwyl my gemeente uit foam cups drink nie”.Haar preke is eenvoudig, sodat almal dit verstaan, sê Farren in haar onderhoud met Kuier. So interessant as moontlik en nie hoogs teologies nie, want sy wil hê “mense moet met goeie moed uitstap”, weet vanwaar die teks kom en hoe om dit toe te pas in hul daaglikse lewe. In haar boek Geroep vir ‘n tyd soos hierdie, deel sy haar boodskap van dit maak nie saak wat mense sê nie, as God jou geroep het kan geen mens jou keer nie en jy hoef aan niemand rekenskap te gee nie. Dit maak daarom nie saak hoe moeilik ons roeping is nie en of ons opgewasse voel daaroor nie. Die boodskap is en bly “God is by ons en Hy roep ons vir ’n tyd soos hierdie.” Want dit is nie die mens wat jou geroep het nie, beklemtoon Farren, maar die Here. Haar hoop is dat haar uitgebreide platform om die Woord te versprei, net sal aanhou groei. Want dan het sy haar doel bereik wat die Here op haar hart geplaas het. Om meer mense bewus te maak dat die kerk steeds 'n veilige plek is, ongeag waar jy jouself bevind in die lewe.*Ds. Farren is deel van die Kankervereniging van Namibië se Sprankelgeleentheid op Rehoboth, Swakopmund en in Windhoek, kontak hulle dadelik vir jou en joune se kaartjies!Kliek hier vir haar spesiale uitnodiging aan Namibiërs: https://q.my.na/AZ60

Geroep vir 'n tyd soos hierdie

Kommentaar

Republikein 2025-10-14

Meld asseblief aan om kommentaar te lewer

Geroep vir 'n tyd soos hierdie

Kommentaar

Republikein 2025-10-14

Meld asseblief aan om kommentaar te lewer

MELD AAN

Advertensie