Geliefde vader Stanley sterf

Henriette Lamprecht – Een van die langsdienende vaders van die Metodiste Kerk van Suider-Afrika (MCSA) en ’n mentor vir elke jonger dominee wat in Namibië gestasioneer was, ds. Frederick Cornelius John Stanley, is op 20 Februarie ná ’n lang siekbed in die Swakopmund-aftreeoord oorlede.Vader Stanley, gebore op 26 Junie 1935 naby Windhoek, was een van 19 mans wat in 1951 as kandidaat-predikant in die MCSA ontvang is. Tussen 1952 tot 1955 studeer hy vir &#039;n diploma in teologie aan die Universiteit van Fort Hare waar hy &#039;n student was saam met &#039;n ander staatmaker, wyle dr. Simon Gqubule. Eerwaarde Stanley het ook ’n BA-graad in teologie aan die Universiteit van Suid-Afrika (Unisa) behaal.Vader Stanley, wat in 1957 georden is, het gedien in die Goodwood-baan (1955 tot 1956), die Pretoria-Kring (1957 tot 1958), Vryburg-Kring (1960), Grassy Park (1971 tot 1974) en die Namibiese Suid-Kring op Rehoboth in die middel-90’s. Ds. Stanley was die Namibiese sekretaris van die sinode in die 90&#039;s en het ook gedien as die president van die Raad van Kerke in Namibië vanaf 1998 tot 1999.Ds. Stanley het 70 jaar van sy lewe aan die bediening gewy en &#039;n deurslaggewende rol gespeel in die Journey to a New Land Convocation in die sendinguitbreiding van Metodisme in Namibië. Hierdie reis is later vasgevang in die boek wat hy geskryf het, getiteld Methodism in Namibia. Verdere prestasies sluit in sy navorsing oor die Namibiese Metodiste-geskiedenis en sy onskatbare bydrae tot die akademiese boek The History of the Christian Church in Namibia.Vader Stanley se vrou het om reeds ontval en die egpaar word oorleef deur drie seuns, &#039;n dogter en verskeie kleinkinders.’n Gedenkdiens word op Woensdag 1 Maart 2023 om 18:30 in die Windhoek-kring by die Sentrale Metodistekerk Windhoek gehou, terwyl nog een op Rehoboth vanaf die Metodistekerk op Vrydagaand om 3 Maart om 18:30 gehou word. Hy word op 4 Maart in Rehoboth ter ruste gelê. – henriette@republikein.com.na

Geliefde vader Stanley sterf

Kommentaar

Republikein 2026-05-05

Meld asseblief aan om kommentaar te lewer

Geliefde vader Stanley sterf

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.