Geen wynsnob
Die eerste swart vroue-wynmaker vir die Delheim-wynlandgoed in Suid-Afrika het onlangs Windhoekers getrakteer by ’n wynproegeleentheid by Hotel Thule, wat deur The House of Wines aangebied is.
Nongcebo Langa sê haar passie vir wynmaak het begin toe sy landbou gestudeer het met ’n beurs van die Suid-Afrikaanse departement van landbou.
“As deel van die graad is ons blootgestel aan al die verskillende sektore en vorme van landbou. Ek het oorspronklik wynmaak gekies omdat dit my die geleenthede gebied het om te reis, maar mettertyd het my liefde vir wyn begin groei,” sê sy.
Hierdie wynmaker het haar meestersgraad in wingerdkunde aan die Stellenbosch Universiteit in 2018 verwerf en werk sedert 2019 voltyds by Delheim. Sy het ook ’n kursus oor die wynbedryf aan die Universiteit van Kaapstad voltooi, asook ’n kursus in wynbeoordeling met een van Suid-Afrika se bekendste wynbeoordelaars, Michael Fridjhon.
Sy is in 2022 by Delheim van assistentwynmaker tot wynmaker bevorder.
"Ek dink iets wat vir my groot was, was toe ek myself die eerste keer kon vertrou om besluite te neem oor ’n wyn. Aan die begin twyfel jy baie in jouself, maar toe ek begin vertrou het dat ek die regte besluite neem en dat dit sal werk, was dit vir my merkwaardig," het sy gesê.
In 2023 is sy Diners Club se Jong Wynmaker van die Jaar aangewys.
Oor die etiket as ’n swart vrou in ’n bedryf wat grotendeels deur wit mense bedryf word, sê Nongcebo: “Dit was aan die begin vir my bietjie anders en dit het geverg dat ek daaraan gewoond moes raak, maar ek dink jy gaan altyd ongemaklik wees as jy aanhoudend daarop fokus.”
Hoewel sy sê sy het self nog geen negatiewe ervarings in haar werk gehad het as gevolg van haar velkleur nie, sê sy dat dit nie ongehoord is nie.
“Ek het al van ander mense by ander plekke gruwelstories gehoor, so daar is ’n paar plekke waar ek as gevolg van dit nie ’n werksaanbod sou aanvaar nie,” sê sy.
G’N WYNSNOB
Nongcebo verduidelik dat sy haar nie veel steur aan ’n snobistiese siening van wyn nie.
“Solank jy dit geniet en ’n glasie kan skink om saam met vriende te geniet, maak dit nie saak nie. Selfs al hou jy nie van een soort wyn nie, hou net aan om ander te probeer,” sê sy.
– [email protected]
Nongcebo Langa sê haar passie vir wynmaak het begin toe sy landbou gestudeer het met ’n beurs van die Suid-Afrikaanse departement van landbou.
“As deel van die graad is ons blootgestel aan al die verskillende sektore en vorme van landbou. Ek het oorspronklik wynmaak gekies omdat dit my die geleenthede gebied het om te reis, maar mettertyd het my liefde vir wyn begin groei,” sê sy.
Hierdie wynmaker het haar meestersgraad in wingerdkunde aan die Stellenbosch Universiteit in 2018 verwerf en werk sedert 2019 voltyds by Delheim. Sy het ook ’n kursus oor die wynbedryf aan die Universiteit van Kaapstad voltooi, asook ’n kursus in wynbeoordeling met een van Suid-Afrika se bekendste wynbeoordelaars, Michael Fridjhon.
Sy is in 2022 by Delheim van assistentwynmaker tot wynmaker bevorder.
"Ek dink iets wat vir my groot was, was toe ek myself die eerste keer kon vertrou om besluite te neem oor ’n wyn. Aan die begin twyfel jy baie in jouself, maar toe ek begin vertrou het dat ek die regte besluite neem en dat dit sal werk, was dit vir my merkwaardig," het sy gesê.
In 2023 is sy Diners Club se Jong Wynmaker van die Jaar aangewys.
Oor die etiket as ’n swart vrou in ’n bedryf wat grotendeels deur wit mense bedryf word, sê Nongcebo: “Dit was aan die begin vir my bietjie anders en dit het geverg dat ek daaraan gewoond moes raak, maar ek dink jy gaan altyd ongemaklik wees as jy aanhoudend daarop fokus.”
Hoewel sy sê sy het self nog geen negatiewe ervarings in haar werk gehad het as gevolg van haar velkleur nie, sê sy dat dit nie ongehoord is nie.
“Ek het al van ander mense by ander plekke gruwelstories gehoor, so daar is ’n paar plekke waar ek as gevolg van dit nie ’n werksaanbod sou aanvaar nie,” sê sy.
G’N WYNSNOB
Nongcebo verduidelik dat sy haar nie veel steur aan ’n snobistiese siening van wyn nie.
“Solank jy dit geniet en ’n glasie kan skink om saam met vriende te geniet, maak dit nie saak nie. Selfs al hou jy nie van een soort wyn nie, hou net aan om ander te probeer,” sê sy.
– [email protected]
Kommentaar
Republikein
Geen kommentaar is op hierdie artikel gelaat nie