Egte Nama laslappies werk vir almal

“My seuns sukkel om werk te kry en my ma is baie siek. Die geld wat ek deur my naaldewerkprodukte vir Sew Good verdien, ondersteun baie mense in my familie,” sê Julia Gomachas, een van die naaldwerksters van die Sew Good vroueprojek van Otjomuise. Sy het reeds genoeg geld bymekaar gemaak om vir haarself ’n stuk grond in Rehoboth te kan koop.“Ek wil die grond ontwikkel sodat ek daar kan aftree. Stuk vir stuk gaan die inkomste van my naaldwerk vir dié droom.”Nog ’n naaldwerkster, Amory Tjipepa, sê haar salaris wat sy as veiligheidswag verdien, is net genoeg om die basiese benodighede vir die huis te kan koop. “Die geld wat ek deur Sew Good verdien, laat my toe om byvoorbeeld vir my kinders se opleiding te betaal. My seun Junior is ook onlangs met epilepsie gediagnoseer en met die geld kan ek vir sy hospitaalbesoeke en sy medikasie betaal,” het sy gesê. SEW GOODDie gemeenskapsprojek is sowat drie jaar gelede begin met die doel om Nama vroue te help om hul inkomste deur hul naaldwerkvaardighede te verbeter. Die projek het soos vele ander veral tydens die Covid-pandemie gesukkel, maar vaar nou sterker as ooit. Wat Sew Good uniek maak, is dat daar geen oorhoofse koste betrokke is nie en elke sent wat die vroue verdien, gaan direk na die vroue en die mense in die gemeenskappe vir wie hulle aanstel om die stukke materiaal vir hulle gereed te kry. Die projek word deur ’n vrywillige bestuurder met haar selfoon bestuur. Die vroue gebruik afvalmateriaal en monsters wat bedoel was vir meubels wat gestaak is, stukkies van binnehuise ontwerp winkels en ander ondersteuners wat kosteloos aan hulle geskenk word. Hulle gebruik dit om hul groot verskeidenheid unieke produkte te maak. Enige geskenkte materiaal wat die vroue nie kan gebruik nie, word gesorteer en teen ’n klein bedrag verkoop aan mense wat dit vir hul eie handwerkprojekte wil hê. Hierdeur word fondse gegenereer wat Sew Good gebruik om onder meer gare, lint en naalde te koop.Die vroue gebruik hul verbeelding om die materiaal in onder meer serpe, voorskote, inkoopsakke, lapwerk kussings en tafeldoeke te omskep. ’n Opwindende nuwe ontwikkeling is in Junie bekend gesteld, naamlik hul reeks kledingstukke met ’n Nama invloed. Daar word gehoop deur hul nuwe Nama reeks na ’n heel nuwe kliëntebasis te kan uitreik. In 2019, toe die projek van stapel gestuur is, was ’n hoofdoel om die groep se produkte in Namibiese kleinhandelwinkels en akkommodasie-instellings soos gastehuise ten toon te stel, waar dit gesien kan word deur toeriste wat op soek was na handgemaakte items wat die plaaslike gemeenskap sou ophef. Uiteraard het die katastrofiese afname in besoekersgetalle vanweë die pandemie beteken dat die groep daarop moes staatmaak om items op plaaslike markte of aanlyn te verkoop. Die ondersteuning van die wonderlike Namibiërs wat hulle daartoe verbind het om gedurende hierdie moeilike tydperk by Sew Good te koop, het beteken dat die vroue kon voortgaan om ’n bietjie inkomste te genereer.Namate oorsese reise weer normaliseer, hoop die vroue dat verkope sal toeneem. Van hul items kan by die Red Shelf-winkel by die Ou Brouerye kompleks in Windhoek gekoop word. Hulle is op soek na ’n winkel wat bereid is om ook hul goedere aan die kus te verkoop. Namibiërs wat op soek is na handgemaakte, ligte en onbreekbare geskenke om saam oorsee te neem, kan kies uit ’n groot aantal produkte wat op Instagram en Facebook (@sewgoodnamibia) te sien is, met gratis aflewering in Windhoek.Gomachas sê: “Ons is baie bly dat ons werk met die skepping van Nama styl items nou werklik posvat en dat die kledingstukke so gewild is. Ons kan egter nie hierdie kant van die besigheid uitbrei tensy ons donasies van katoenstukke ontvang nie, so ek hoop regtig mense sal aan ons dink en hul ongewenste materiaal aan Sew Good skenk.”

Egte Nama laslappies werk vir almal

Kommentaar

Republikein 2026-02-06

Meld asseblief aan om kommentaar te lewer

Egte Nama laslappies werk vir almal

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.