Eerste vrouekaptein in Namibiese vloot

Henriette Lamprecht - ’n Vrou wat haar militêre loopbaan in 1996 begin het toe sy by die Namibiese weermag (NDF) aangesluit het en 14 militêre medaljes vir haar diens ontvang het, het drie dekades later die eerste vroue-offisier in die geskiedenis van die Namibiese vloot geword om die rang van kaptein te beklee. Die hoof van die NDF, lugmaarskalk Martin Kambulu Pinehas, het bevelvoerder Rachel Tuyoleni, tot die rang van kaptein (vloot) bevorder. Tuyoleni is oorgeplaas na die verdedigingshoofkantoor waar sy op 1 April ingeval het. Haar basiese militêre opleiding het in 1996 by die NDF se opleidingsbasis op Osona begin waar sy in die ingenieursregiment ontplooi is. Tuyoleni word later na die maritieme vleuel in Walvisbaai oorgeplaas, wat later die Namibiese vloot sou word. Deel van haar militêre loopbaan het die bywoning van verskeie militêre en akademiese opleidingsprogramme in Namibië, Suid-Afrika, die Verenigde Koninkryk en Rusland ingesluit.Met verloop van tyd is Tuyoleni tot verskeie range bevorder en was onder meer die uitvoerende offisier van die Namibiese skip Olifant, adjudant-kommandant van die vloot se opleidingskool, sowel die bevelvoerder van die vlootbasis. Haar uitsonderlike leierskap en toewyding het aan haar verskeie medaljes besorg ter erkenning van haar diens tydens haar loopbaan van meer as 30 jaar.– henriette@republikein.com.na

Eerste vrouekaptein in Namibiese vloot

Kommentaar

Republikein 2025-11-04

Meld asseblief aan om kommentaar te lewer

Eerste vrouekaptein in Namibiese vloot

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.