Dansers wikkel vir dierewelsyn

Vir die afgelope 14 jaar samel ‘n groep buikdansers geld in vir verskeie dierebeskermingsorganisasies.Sascha Olivier-Sampson van Moon Goddess Dance Studio in Windhoek is die vrou agter Shimmy for Shelter, ’n inisiatief waardeur die groep talentvolle vroue vanjaar weer N$32 310 vir dierewelsyn kon insamel. “Ek het besluit om N$10 000 vir die Triglav-trust en N$20 000 aan Have-a-Heart Namibia te skenk. Met die res van die geld sal ek komberse koop en aan die dierebeskermingsvereniging (DBV) in Windhoek skenk.”Shimmy for Shelter word vir die afgelope 14 jaar in die tweede naweek van Mei aangebied. “Ek het by die DBV begin omdat dit ‘n organisasie was wat ek goed geken het. Ek het later begin navorsing doen en begin om elke jaar ‘n nuwe organisasie te ondersteun. Nou is daar soveel wat ondersteuning verdien dat ek nie meer kan kies nie. So, ek sit die name op ‘n lys en ná die vertoning word hulle deur ‘n gelukstrekking gekies.”In die verlede het die inisiatief die DBV in Windhoek, Namibia Dog Matters, The Cat Protection Society, Have-a-Heart Namibia, ISAP, Tierschutzverein Swakopmund, Walvisbaai se DBV, Desert Lion Conservation en Elephant-Human Relations Aid (EHRA) ondersteun. “Al die geld wat ingesamel word, kom direk uit kaartjieverkope, en daarom is ons altyd so dankbaar om ‘n ondersteunende gehoor te hê. Ons borge soos die Primêre Skool Delta Primêre wat die plek beskikbaar gestel het, JayCee Entertainment en The Creative Agency wat die foto’s geneem het, maak dit moontlik dat 100% van die wins wat uit kaartjieverkope gemaak word, geskenk kan word.” Shimmy for Shelter is deel van die Wêreld-Buikdansdag, ’n internasionale dag wat die unieke kuns van buikdans vier. “Toe ek met Shimmy for Shelter begin het, het ek geweet ek wil ‘n organisasie ondersteun wat diere help. Mense wil dikwels help, maar weet óf nie hoe nie, óf dink miskien wat hulle doen sal nie ‘n verskil maak nie. Deur hierdie geleentheid wys ons mense hoe belangrik hulle rol is en dat hulle, net deur ‘n kaartjie te koop, &#039;n groot verskil maak. Hulle kan ‘n aand uit geniet terwyl hulle terselfdertyd ‘n goeie doel ondersteun. Dit was ook ‘n wonderlike platform om dans te sien groei. Oor die jare het ons baie verskillende dansers en ateljees aan die geleentheid laat deelneem, nie net van Namibië nie, maar ook Suid-Afrika, Zambië en die Verenigde State van Amerika. Dit is ‘n perfekte voorbeeld van hoe wonderlik dit is as mense saamwerk en mekaar ondersteun. Vanjaar was dit wonderlik darr ander dansateljees, wat nié buikdans beoefen nie, by ons aangesluit het om saam te werk en geld in te samel. Ek hou daarvan om hierdie geleenthede te hê waar mense eerder met mekaar kan werk as in isolasie. Ek sien uit daarna om Shimmy for Shelter elke jaar te sien groei.”Deur die jare deur het Shimmy is Shelter ook in Swakopmund aangebied en het Sascha vier jaar lank nog ‘n fondsinsameling genaamd Helping Hips gehou om geld vir die kankervereniging van Namibië (CAN) in te samel.tanja@republikein.com.na

Dansers wikkel vir dierewelsyn

Kommentaar

Republikein 2025-04-30

Meld asseblief aan om kommentaar te lewer

Dansers wikkel vir dierewelsyn

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie