Aktief, onafhanklik en gesond

Dit help mense om aktief, onafhanklik en gesond in alle fases van hul lewens te bly en eerskomende Maandag word Wêreldfisioterapiedag plaaslik en in die buiteland onder die vaandel “Gesonde veroudering – aktief deur jou hele lewe” gevier. Gereelde fisieke aktiwiteite verminder onder meer die risiko van hartsiektes, diabetes, demensies en om te val. Enige aktiwiteit is beter as om niks te doen nie, selfs klein leefstylveranderinge soos om eerder die trappe te gebruik en in die tuin te werk. Broosheid en om te val is nie ’n onvermydelike deel van oudword nie en met die regte ondersteuning kan mense hul krag en balans behou. Fisioterapeute is kenners in beweging wat pasgemaakte oefeninge, rehabilitasie en raad verskaf om lewensgehalte te verbeter. “Enige aktiwiteit is beter as om niks te doen nie. Probeer om deur die dag klein, betekenisvolle maniere te kry om te beweeg – parkeer verder weg van die ingang vir daardie ekstra treë, gebruik die trappe in plaas van die hysbak, beperk jou selfoongebruik en kies aktiewe stokperdjies. “Elke bietjie beweging tel om gesond oud te word,” beklemtoon die Namibiese vereniging vir fisioterapeute. Ter viering van Wêreldfisioterapiedag vind ’n gemeenskapsgeleentheid wat fokus op gesonde veroudering Maandag by onderskeidelik die Welwitchia 2-gemeenskapsaal op Swakopmund en in Windhoek in die kapel van die Windhoek Sentrale Hospitaal plaas. Op Saterdag 13 September vind die Stride 4 Strength-pretloop/draf in Windhoek by die Avisdam en ook in Swakopmund plaas. Stuur ’n e-pos vir navrae aan secretary@namibiaphysio.com. – henriette@republikein.com.na

Aktief, onafhanklik en gesond

Kommentaar

Republikein 2025-11-03

Meld asseblief aan om kommentaar te lewer

Aktief, onafhanklik en gesond

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.