Winter gekrui

MAAFIA EN MOGAMAT SKRYF:

Hemelse water soms te min

Soms weer te veel

Altyd welkom is die reën

Ja nat gespat ’n hemelse seën.

Maak vol die kruike

Loop oor in sluise

Deel uit as ’n seën

Want die hemelse Vader gee die reën.

Binne vier mure vasgevang

Winter het my onner bedwang

Buite loop die seisoene rond

Reent plons kol-kol oppi grond.

Heerlik koud en sopnat

Soutpad is seepglad

Die noordwes woel

Sny deur murg en been met ’n gevoel.

Walvisbaai is lekker nat

Soutpad is seepglad

Motreëntjie vannie noordwes

Trek warm aan en leer ’n les. . .

Goed inni môre uit ’n koue Walvisbaai.

Koue noordwes waai oorie kaai.

Trek aan jou warm jas as dit jou pas.

So nie trek aan jou gown voor jou gesig frown.