Ware wetenskap

ONAFHANKLIKHEIDSKIND SKRYF:’n Minister het in die media gesê die wetenskap sal bepaal of dit [in situ-loging] sal plaasvind. Ons almal weet die wetenskap sal omgekoop word, want alles draai om vinnig geld te maak ongeag die nadelige gevolge. Namibië is veronderstel om ’n demokrasie te wees, so gee vir almal wat dit voorstaan die chemikaliee om te drink vir drie jaar in hul drinkwater en laat die volk sien of hulle nog lewe na die drie jaar of watse kwale hul ontwikkel het. Dit is ware wetenskap. Die Namibiese nasie staan in die pad van oorsese mynwese. Covid-19 het nie geslaag in sy doel om die nasie uit te wis nie. Dit sou meer menslik wees om ’n atoombom op Namibië te gooi om die volk uit te wis, sodat mynbou kan voortgaan, maar dit sal nie gebeur nie, want dan word infrastruktuur verwoes wat deur die mynreuse benodig word. Waarom gee die media nie die regte inligting deur nie, maar net wat mense van albei kante sê. Namibië het tog mediavryheid?Google sê wat sulfuric acid, sodium carbonate en amonium carbomate aan die liggaam doen, as jy dit drink soos sel-afbreking. Dit word gebruik en nie ’n mengsel van vitamiene en minerale nie. Moet die volk ’n stadige dood sterf aan dors en hongersnood of dink die regering die platteland se mense sal eerste sterf voor die besoedeling Windhoek tref, wat ook net-net jaarliks oorleef uit boorgatwater. Gaan die Namibiese volk daaroor stem of gaan ’n minister die volle reg hê om namens die volk te besluit ná omkoopgeld ontvang is?Gelowiges sê daar moet net daaroor gebid word, maar ek dink dit sal nie genoeg wees nie. Die hele volk sal daaroor moet staak en toi-toi, elke werker en elke landbouer van alle bevolkingsgroepe.* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Ware wetenskap

Kommentaar

Republikein 2026-07-07

Meld asseblief aan om kommentaar te lewer

Ware wetenskap

Kommentaar

Republikein 2026-07-07

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.