Vraag aan MTC

MEISIE DU PLESSIS SKRYF:

Ek het talle mense hoor kla dat MTC onregmatig data laat “verdwyn”. Indien ek verkeerd is, help my asseblief reg. Persoonlik het ek self ook deurgeloop. Die ergste is, wanneer dit gebeur het, was ek in die nood, en het dringend hulp nodig gehad.

Ek het N$50-lugtyd op my foon gelaai, en dit het eensklaps verdwyn. “Insufficient funds” toe ek die dringende boodskap wou stuur. Ek het in my nood nog N$30 gelaai en niks meer gehad om te laai nie, nodeloos om te se, dit het verdwyn, steeds “insufficient funds” gebly. Ek het ’n geleentheid gesoek, ons woon 60 km buite die dorp, en het MTC gaan sien. Gereken dat dit my enigste opsie was. Ja, die lugtydaankope het op die rekenaar gewys, maar nee, Windhoek erken dit nie as krediet op my rekening nie, want my data was aan toe ek die lugtyd gelaai het. Nou kyk, ek is dalk ’n aap, maar ek is ’n ou aap. As my data nie aan is nie, sê my foon “no mobile data”, dan gaan jou boodskap nie deur nie. Vandag het ek weer N$50 gelaai, nadat ek dit gelaai het, “insufficient funds”. Asseblief, hoe op dees aarde kan Aweh Gig sommer so verdwyn, nadat dit ’n paar sekondes gelede gelaai is?

My vraag aan MTC. Ek is net ’n pensioenaris. Hoeveel wil julle nog, sommer so van my vat? Natuurlik ja, die stelsel, en die rekenaar. Maak asseblief ’n plan met die goed, dis nie regverdig nie. Dit is ons enigste kontak met die buitewêreld, veral in nood. Dis nie sommer net van in jou voertuig klim en gaan doen wat jy moet nie.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.