Vaarwel Meester, en baie dankie

DIE DIREKTEUR VAN ONDERWYS, KUNS EN KULTUUR IN DIE OMAHEKE-STREEKRAAD, MNR. PECKA SEMBA, SKRYF:Op 30 April 2023 verlaat een van die mees uitstaande openbare figure van ons tyd, die onderwysverhoog, met ’n dienstydperk agter sy rug wat strek oor 39 jaar. Hy is ’n deel van sekerlik die heel laaste generasie vir wie die welstand en vooruitgang van leerlinge baie meer beteken het as die ontvang van ’n salaris trek.In hierdie 39 jaar van onbaatsugtige diens tot die mensdom, het hy alles gedoen: hy was ’n klasonderwyser, ’n vakadviseur, TRC (Teachers Resource Centre)-bestuurder, ’n inspekteur van onderwys, ’n skoolhoof, ’n adjunkdirekteur en ’n direkteur.Sy institusionele kennis is fenomenaal en sy unieke benadering van sake (met humorsin en topprofessionele toepassing) wat soms baie sensitief was, is soos geen tweede nie, en in hierdie opsig is die leemte wat hy sal agterlaat, onvervangbaar.Sy insig en uiters verfrissende brein het hom ook ’n natuurlike keuse gemaak van baie ander instansies waar hy ook waardevolle bydraes gelewer het, om vooruitgang op hulle vlakke te bewerkstellig en te bevorder.Hy is ’n uitstaande taalversorger (veral sy geliefde Khoekhoegowab) en was vir jare ’n lid van die Taalkomitee en Kurrikulumkomitee, wat die basiese ortografie vir die Khoekhoegowab bewerk en bevorder het en tot die trotse leervak en taal wat ons vandag ken.In hierdie opsig is sy beginsels om Khoekhoegowab reg te praat en te skryf, ononderhandelbaar. Hy glo as jy dit durf waag om ’n woord of sin uit te spreek, of te skryf, dit reg gedoen moet word! Menigte van ons as kollegas het deur hierdie genadelose berisping gegaan.Hy was lid van die Staatsdiensunie van Namibië (PSUN) en deur sy harde werk het hy jare lank vir die regte van staatsdiensamptenare geveg, waar sy werk erken is, en hy tot die posisie van president bevorder is. Hy was ook deel van die Presidensiële Arbeids Adviserende Raad, net om ’n paar te noem.Tot op hede kan ek nie onthou waar hy nie deel was van elke stukkie beleid, regulasie en denkrigting wat uit die onderwysministerie gekom het nie. Hy was altyd daar, in goeie dae en slegte dae. Sy liefde en standvastige beginsels het altyd gemaak dat jy geweet het waar jy met hom staan, lank voor julle ’n taak aangepak het.Die werksetiek, lojaliteit en objektiewe benadering het vir &frasl;&frasl;Awebahe gedryf om in alle omstandighede sy uiterste bes te lewer. Sy natuur het gemaak dat hy ’n goeie beplanner was, wat niks aan toeval oorgelaat het nie. In hierdie kategorie het ons, as kollegas en vriende, baie van hom geleer.&frasl;&frasl;Awebahe of Johannes (sy koloniale naam) is vir my nie net ’n vriend of kollega nie, maar ’n uiters waardevolle broer op wie se skouers ek enige tyd kan huil. Vir baie dae vandat ons paaie gekruis het, het &frasl;&frasl;Awebahe my oorloë syne gemaak, my hartseer syne gemaak en my altyd aangemoedig om my beste voet voor te sit, al is die omstandighede hoe moeilik.Wat ’n staatmaker in moeilike omstandighede.Die bevordering van die Damara-kultuur en historiese waarde van hierdie Namibiese etniese groepering is boaan die lys van dinge wat hy met durf, moed en oortuiging aanwerk, en ek glo sy aftrede sal hom genoeg tyd gun om hierdie relevante erfenis te bevorder.Ou broer, ek is heeltemal oortuig dat jy jou pond vleis ten volle vir die onderwys-pilgrimstog bygedra het, en geen steen onaangeroer gelaat het nie. Geniet nou jou welverdiende aftrede van byna 40 jaar se ongenaakbare maar vervullende swoeg en sweet ten bate van die Namibiese kind en samelewing.Well done, Meester!* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Vaarwel Meester, en baie dankie

Kommentaar

Republikein 2026-05-04

Meld asseblief aan om kommentaar te lewer

Vaarwel Meester, en baie dankie

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.