Swak telekommmunikasie vir boere

ONAFHANKLIKHEIDSKIND SKRYF:Boerdery moet as ’n besigheid bedryf word, maar word ’n leefwyse en bestaansboerdery soos in die oertyd weens geen infrastruktuur of geen -instandhouding. Ek stem saam met die afgedankte minister van landbou, Mac Hengari, dat elke kommunale boer ’n kommersiële boer moet word, sorg net dat die nodige infrastruktuur bestaan en instand gehou word. Daar is te min kommunikasie tussen belanghebbende ministeries en te min uitvoering.’n Noodtoestand deur die president word benodig oor telekommunikasie en dienslewering in staatskantore en die minister van inligting en kommunikasietegnologie moet saam met Cran gedagvaar word vir miljoen se skadevergoeding a.g.v. bedryfsverliese en diefstal weens internet banking hacking van miljoene Namibiese dollars sonder die nodige internetbeskerming. Simkaarte moes geregistreer word, maar scams gaan voort, want ongeregistreerde simkaarte is nog nie afgesny nie, of scammers werk binne banke en telekommunikasiekantore. Telekommunikasie is nie ’n luukse artikel nie, dis ’n human right as jy deur BoN en NamRA gedwing word om die internet te gebruik. Die staatsdiens het spookwerkers wat nie bestaan nie en ook spoke wat opdaag by die werk om elke maandeinde ’n salaris te verdien, met geen kontrole.Ek het beide goeie en wanadministrasie in my leeftyd beleef. Goeie en geen telekommunikasie. Streke is te groot in Namibië. Streke bestaan basies uit ’n 30 km-radius rondom dorpe soos gedek deur ’n selfoontoring. Niemand weet waar is Kalahariplaas-area nie: Geen Namibiese president, goewerneur of selfs nie eers Google nie.TELEKOMMUNIKASIE VESEL: Telecom lê vesel ondergronds vanaf ongeveer teen 2000. Aan wie behoort die nuwe bogrondse vesel wat in ’n rekordtyd opgerig is? Om Windhoek aan grensposte te verbind vir bewegingspermitte omdat Telecom onbetroubaar en stadig is? Bewegingspermit op elke kositem, daarom is groceries duur en duurder op platteland.STARLINK: Middelmanne maak baie geld (swartmark). Aankope van direkte hardeware verlaag na ongeveer N$6 600 en N$950 per maand gebruik. (Sonder enige kontrakte.)CRAN: Boete van N$1miljoen vir onwettige gebruik?WIMAX: Dit het Telecom 24 jaar gevat om vir Wi-MAX te kom toets wat nie by Kalahariplaas bestaan nie.Sekere boere het N$16 000 vermors op bullet repeater-sisteme vir WiMAX wat uitfaseer.Sekuriteitkameras overload WiMAX.V-SAT met ’n kontrak is ’n mislukking (Telecom & Paratus). Tydvertraging en vreet data op a.g.v. stadige internetspoed. Hardeware kos ongeveer N$16000.GSM: Dek radius van 30 km maksimum op ou 2G en 3G. (4G nog kleiner radius.) Toring in Aranos en 30 km buite Aranos (Kalahariplaas-toring genoem) en by Eersterus (in Nossob). Kalahariplaas strek 120 km vanaf Aranos. As Kalahariplaas se toring af is, is Eersterus ook af. Meestal werk net ’n Tamagothi (Nokia 105).Telecom se voormalige CEO Frans Ndorama het in die voorwoord van die telefoongids belowe om teen jaar 2000 hele land te outomatiseer. Telefoonnommers is in gids gedruk wat nie bestaan het nie. Sedert die jaar 2000 het Kalahariplaas geen telekommunikasie na party-lines (nommer asseblief).Nossob het eers mislukte V-SAT, toe WiMAX (N$350/maand bekostigbaar)Vrugtelose pogings in die verlede is klagtes by onder meer die Kommunikasiekommisie, Henry Kassen, direkteur van inligting en kommunikasie; voormalige ombudsman John Walters en die Duitser in beheer van toringbeplanning van MTC (later afgetree by Cran). Cran bevestig met stempel dat hul bewus is daar is geen torings by Kalahariplaas. Kan kamma nie operateurs verplig in lisensie om oral infrastruktuur op te rig nie. MTC (na 100% staatsbesit) weier om op briefhoof te erken dat Kalahariplaas nie torings het nie. Dit help niks om by Cran voorgeskrewe vorms te kla nie. Blykbaar word alle ou kommunikasietegnologie in Afrika gedump en parte vir herstel is nie meer beskikbaar nie. – Brief verkort

Swak telekommmunikasie vir boere

Kommentaar

Republikein 2025-12-01

Meld asseblief aan om kommentaar te lewer

Swak telekommmunikasie vir boere

Kommentaar

Republikein 2025-12-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.