Slaap, ’n wondersoete ding

Issaskar Kapupa – Met elke verandering in die lewe en die onvoorspelbare weersveranderings is dit ’n bekende feit dat mense hulle “afdae” het. Party praat van die sterre, ander van siklusse en so aan. Ek praat van die weer, want sodra dit en die tyd verander, gaan dit sommer sleg met my en sommer met alles wat ek in dié tye aanpak.Dit is nie ’n grap om na twee weke eers te besef dat tye, letterlik, verander het nie. Hoeveel winters ek nou agter die rug het, is nie ter sprake nie, wel die besef dat ek al die jare in ’n soort van onbewustelike winterslaap verval het.Die leser moet nie aanstoot neem met wat volg nie, maar dit beskou in die gees waarin dit gesê en ervaar is.Grootmense het lankal ’n weersin in die jaarlikse tydsveranderings sedert onafhanklikwording en handelaars het gekla van swak winste en handelsprobleme met ons buurlande.Niemand kan egter oor die hoof gesien word in ’n geval soos dié nie. Net toe ons die warmgoed begin wegpak, het die koue skelmpies toegeslaan. En ek kry altyd daardie snaakse onbeskryflike gevoel, soos ’n sesde sintuig wat sê dat iets nie dollies is nie.Ek volg altyd die geskrewe woord, tot twee weke gelede toe ek en my gesin vergeet het om ’n uur vroeër op te staan. Die horlosies is nie teruggedraai nie!Daarna is my gevoel van “warm word” weer kortgeknip deur die afgelope dae se koue en my hoop vir nog nuwe wintertye het opgevlam, maar wetgewers en ander onbekendes met baie gesag het toe alreeds my wintertyd weggeneem en ’n kommersiële tyd gegee, net toe ek begin om daaraan gewoond te raak en dit te geniet.En nou voel ek eers dat ek stelselmatig besig is om uit my winterslaap te ontwaak, amper so stadig soos ’n slang dit doen wanneer hy van sy winterslapie uitseil.In die wintertyd het ek my eie soort van ’n kleine Rip van Winkel-slaap gehad. Ek het die spreekwoordelike “net ’n bietjie sluimer, net ’n bietjie slaap” uitgeleef omdat ek en ander ouens later as die ander vir diens moes aanmeld en so bietjie later uitgeval het.Met die laaste veranderde somertyd is ek behoorlik onkant betrap – net omdat dit op ’n Saterdagaand plaasgevind het – maar ek blameer niemand daarvoor nie. Ek en my huishouding het, soos ’n groot aantal Namibiërs, ’n uur langer geslaap as wat ons veronderstel was.Vir twee weke moes ek verskonings uitdink vir sekere van my oortredings terwyl ek besig is om te ontdooi om by die samelewing aan te pas. As tye moet verander en weervoorspellings korrek moet wees, moet dit tog nie oor ’n naweek doen nie, want dit word te hard op sommige ouens soos ek.Dit is geen grap om die oggend wakker te skrik en nog moeg te voel, ’n gevoel asof jy nie eens ’n oog toegemaak het nie! – 19 September 1996

Slaap, ’n wondersoete ding

Kommentaar

Republikein 2026-09-18

Meld asseblief aan om kommentaar te lewer

Slaap, ’n wondersoete ding

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.