Ons toekoms saam

CDE FRANCOIS BRAND SKRYF:Ek is ’n Namibiër, nie net hier gebore nie, maar ook grootgemaak as ’n Namibiër. My geboorte was net ’n paar jaar voor Namibië regtig sy eie pad begin stap het. Ek is ’n boer-kind, ja, met gesonde Afrikaner kultuurstories en wie se familie ook opdraandes en afdraandes gegaan het. Ons ken goed en kwaad, mooi en seer met ook goeie en hartseer herinneringe. Ek is lofwaardig oor die goeie en prysenswaardighede in ons eie geskiedenis, maar ook sterk bewus van die mislukkings. Ek het saam met Namibië grootgeword, met ’n deugsame samestel van alles en almal rondom my. Ons het in die laaste paar dekades gesien hoe Swapo baie belangrike vordering gemaak het: armoede het drasties afgeneem en die lewenstandaarde het verbeter. Swapo het volgehou om in ons kinders se toekoms te belê, met meer skole, beter gesondheidsorg en energievoorsiening wat nou selfs landelike gebiede bereik. Dis ’n riem onder my hart en vul my met trots om te sien hoe ons ons mense oraloor die land ondersteun, maak nie saak hoe ver nie, al kom dit teen ’n koste probeer ons na almal omsien. Ons paaie is van die beste in Afrika, ons hawens het uitgebrei, en watersekuriteit het verbeter. Dit is nie net verbeterings vir sommige mense nie, maar vir almal, insluitend ons boere en Afrikaners, wie se werk, grond, besighede en kultuur ’n groot deel van die land se potensiaal dra. As ’n jong Afrikaner-boer voel ek deel van hierdie land, van hierdie grond, van die verlede, hede en toekoms. Swapo is nie net oor een groep nie – dis oor almal wat saam wil bou, groei en voorspoed bevorder. Ek sien dit nie as om my erfenis te vergeet nie, maar as ’n manier om dit met ander te deel, om saam met Namibiërs te groei, en ek kan met sekerheid sê dat hulle almal pragtig is in hul eie reg. Elkeen met sy swakpunte en skaam-makerige geskiedenis, maar met die mooiste van goeie en sterk punte, met potensiaal wat onuitputbaar is. Daar lê sowaar ’n geheimenis met betekenisvolle waarde, wat bereik kan word met samewerking. Dit is deur die opbou van ons land en die ophou met verdeling dat ons sowaar met ’n doel kan begin saamwerk. Ons kinders se toekoms lê in hierdie eenheid en saamgroei. Dís hoekom ek by Swapo staan. Ek sien nie net my wortels nie, maar hoe dit saamkom met ander mense s’n. Hierdie land het plek vir ons almal, elke storie, elke droom. Ek onthou keer op keer die hartlike verwelkoming wat ek by Swapo ontvang het en die mooi herinneringe wat ek saam met my kaders opgebou het. Dit versterk my, veral wanneer ek dink aan my pa se afsterwe. My medekamerade het nie net hulle meegevoel met my en my familie gedeel nie, maar hulle het ook fondse ingesamel om te help met die logistiek van die begrafnis – ’n pragtige voorbeeld van Swapo se kameraadskap en ware omgee. Hierdie tradisie van ondersteuning en solidariteit wys wat Swapo werklik beteken: om daar vir mekaar te wees, in goeie én moeilike tye. Dit is inderdaad Ubuntu en pan-Afrikanisme.Dit maak my baie opgewonde om te deel dat my tyd in die staat en Swapo baie verwelkomend was en kan met geloof getuig dat ons welkom is daar en daarmee ’n opbouende bydrae kan maak tot die land en ons almal se toekoms.Vir ons boeregemeenskap is daar ’n toekoms in Swapo se nuwe 2024-manifes, met die klem op landbou, natuurlike hulpbronwaardetoevoeging, en watersekuriteit. Hierdie planne skep ’n geleentheid vir ons gemeenskap om by te dra tot die land se ekonomiese, landbou en maatskaplike groei. Die fokus op landbou-ontwikkeling, en veral beter toegang tot water, wys dat Swapo die toekoms van plaasgemeenskappe ernstig opneem. Koppel dit aan die land se sekuriteit en veiligheid, dan is ek seker dat Namibië die beste land in die wêreld is vir ons boere en Afrikaners.Waarom Namibië die beste in Afrika is? Ons het politieke stabiliteit, veilige stede en dorpe, en die persvryheid wat ons geniet is een van die hoogste op die vasteland. Ons infrastruktuur is van die beste, en Swapo het dit verder gebou, sodat dit voordeel bring vir almal, nie net vir die elite nie. Dit gee my trots om te weet dat Namibië hierdie dinge bereik het – dink net wat kan die toekoms vir ons bring? Ons is Namibiërs, en ons toekoms lê hier, saam met die visie wat Swapo en leiers soos eerbare Netumbo Nandi-Ndaitwah ons bied. – Brief verkort* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Ons toekoms saam

Kommentaar

Republikein 2026-02-03

Meld asseblief aan om kommentaar te lewer

Ons toekoms saam

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.