Nog wonders van die Kunene

JAN BEHR SKRYF:

Sien aangeheg baie interessante foto’s van rotsgravures wat ek gevind het sowat 20 kilometer wes van Opuwo.

Dit is op die klipoppervlak, maar ek is seker as ‘n mens hier sal grawe sal jy dalk meer as die merke ontdek.

Op die een foto is ‘n artefak wat op die heuwel gevind is. Dit is in die besit van die eienaar van die grond.

Op dieselfde heuwel sal mense ook stromatoliete vind, wat kan aandui dat dit dalk eens die oewer van een of ander meer was.

Sowat 20 kilometer oor van Opuwo in die Kaokoland van die Kunenestreek het ek foto’s geneem van interessante sedimente. Ek het die beelde met verskeie mense gedeel, waarna die konsensus was dat dit tekens is van die Damara-kuslyn uit die pre-Kambiese tyd, ongeveer 340 miljoen jaar gelede.

In die “strepe” is ‘n tydlyn van die klimaat vasgevang soos dit oor miljoene jare verander het. Dit is uitstekend bewaar en tans lê die gesteentes plat, maar dit kan dalk wees weens tektoniese bewegings.

Ek wil nog ook iets stuur oor Epupa se petrogliewe.