'n God van liefde - en van straf

ANDRE SMIT SKRYF:Dr. Annes, u moet asseblief nie ons mense mislei met vleitaal en verkeerde inligting nie. Om ‘n Jesus te verkondig wat net troos, nie veroordeel nie, nie toornig word en nie tugtig nie, is ‘n ander Jesus.Paulus waarsku ons baie ernstig teen hierdie Jesus met ‘n ander evangelie en ‘n ander gees waarmee die duiwel ons mislei soos die slang Eva bedrieg het (2 Kor. 11:3-4 en vers 13-15). Met hierdie Jesus word die genade van God verander in ongebondenheid (Judas 1:4).Christene leef vandag bandeloos, sonder die Wet en regverdig hulself dat die genade van God onbeskryflik groot is. Hulle sien krisisse, soos u dit stel, nl. droogtes, misoeste, veevrektes ens. net as toeval en vertolk dit nie as strawwe en tugtiging nie. Die volk is verkeerd voorberei met ‘n ander Jesus.Hebreërs 12 leer ons God tugtig die wat Hy liefhet en kasty elkeen wat Hy aanneem. Tugtiging is die gevolg van sonde, wat gestraf moet word vir ons eie beswil.Herders van kuddes is daar om hierdie sondes aan te spreek, om te waarsku en die volk op die regte pad te lei. Deut. 28 is ‘n sprekende voorbeeld hiervan. In hierdie gebroke wêreld kan ons leef soos kinders van God as ons goed luister om sorgvuldig al Sy gebooie te onderhou. Die keuse lê by ons, nl. die lewe, die geluk, die dood en die ongeluk (Deut. 30:15-20).Die ware Jesus veroordeel die volk Israel en waarsku hulle dat hulle tempel afgebreek gaan word, dat hulle as volk verwoes gaan word en onder die nasies versprei gaan word. Hierdie oordele het presies so gebeur met erge gevolge, maar met beloftes van ewige seëninge as hulle hulle bekeer (Luk. 19:43-44, 21:20-24, Matt. 23:36-38). Die keuse het by hulle gelê om te besluit oor hulle eie lot.“Hoe dikwels wou Ek jou kinders bymekaarmaak net soos ‘n hen haar kuikens onder die vlerke bymekaar maak, en julle wou nie! Kyk julle huis word vir julle woes gelaat.” (Matt. 23:36-38)Jesus verwys na Nineve wat die regte besluit geneem het oor die prediking van Jona, hulle bekeer het en die oordele vrygespring het. Hoeveel te meer as ons ons bekeer oor die prediking van Jesus. (Matt. 12:41)Die ware Jesus se optrede is nie net liefde en genade nie, maar ook ‘n toorn wat gewelddadige strawwe insluit (Op. 6:12-17). Het Hy nie ook deur die hele Ou Testament so opgetree nie? (Joh. 1:1-3)Hans Kung vra die vraag oor die gebroke wêreld of God dit so beplan het. Beslis nie!Hy het wel die voorkennis gehad (Joh. 6:64-65). Die mens is geskape met ’n wil om te besluit om ’n keuse uit te oefen. "En Adam is nie verlei nie, maar die vrou het haar laat verlei en het in oortreding gekom" (1 Tim. 2:14).Ons verag die rykdom van God se goedertierenheid, verdraagsaamheid en lankmoedigheid wat ons tot bekering wil lei. Maar ooreenkomstig ons verharde hart vergader ons vir ons ‘n toorn as skat op die dag van God se regverdige oordeel (Rom. 2:4-6). Hierdie lyn loop deur die hele Bybel.Met die studie van die hele Bybel kan ons gelei word tot die volle geloof wat vir God welbehaaglik is (Heb. 11:6 en 5:9, Heb. 12:25).Ons sonde wat Jesus op Hom geneem het, is die sonde omdat ons nie geglo het nie (Joh. 16:9). Geloof kom uit oortuiging en afvalligheid uit misleiding. Hierdie kragte bepaal watter keuse jy uitoefen.Om mense te leer dat ons nie onder die wet is nie, maar onder die genade, is deels misleidend. Die Wet, die Tien Gebooie, kan tot in ewigheid nie verbreek word nie (Matt. 5:17-19). Hierdie Wet word ook in ons hart en verstand ingeskryf by die wedergeboorte (Heb. 8:10).Die wet waarvan ons vrygemaak is, is die wet van offerhandes en alles wat daarmee saamgaan (Heb.10:1-17).As ons die Woord uit liefde reg lees en verstaan en toepas kan ons ons nie meer ophou met vleitaal nie (1 Thess.2:5). In die tyd waarin ons leef, moet herders van kuddes op hulle hoede wees en ook pynlike aanpassings maak.Wees gewaarsku en lees gerus 2 Petrus 2 en Jeremia 25:29-38.(Alle aanhalings kom uit die 1953-vertaling.)

'n God van liefde - en van straf

Kommentaar

Republikein 2025-05-15

Meld asseblief aan om kommentaar te lewer

'n God van liefde - en van straf

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie