Mediese fondse: Wanneer ’n diagnose jou deure toemaak!

ANONIEM SKRYF:

Vir die tweede keer word ons gesin deur ’n mediese fonds afgekeur, net omdat hulle hoor ons tweeling is outisties.

Wat van die ouers? Wat van die ander kind in die gesin? Ons word summier afgekeur, sonder dat daar na ons as mense gekyk word.

Hoe is dit regverdig teenoor ’n gesin wat reeds elke dag met enorme uitdagings leef? Ouers wat alles in hul vermoë doen om vir hul kinders die beste sorg en ondersteuning te gee, behoort nie ook nog te moet baklei vir toegang tot mediese dekking nie.

Dit laat ’n mens wonder: Waar is die begrip, die deernis en die regverdigheid? Is dit reg dat ’n diagnose alleen bepaal of ’n hele gesin die geleentheid kry om mediese sorg te hê?

Gesinne met kinders op die outismespektrum het reeds genoeg uitdagings. Hulle het ondersteuning nodig, nie nog deure wat voor hulle toegemaak word nie.

* Beste lesers, keuring vir die ­publikasie van WhatsApp, briewe en alle ander lesers­bydraes berus by Republikein. Klagtes oor die diens van ­private besighede word eers aan die onder­neming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.