Kliniek op Rehoboth se diens

ANONIEM SKRYF:Ek, my vriendin en haar broer was vanaf voor 07:00 by die Rehoboth-kliniek. Ek moes ’n opvolg by die dokter gaan doen en hulle was by die tande-afdeling.Die personeel kom 08:00 uit en sê die mense moet hul vullis optel en nie mors nie, want die kliniek het nie skoonmakers en genoeg mense nie. Dis net een kamer en mense moet geduldig wees. Hulle begin toe eers vee en van die personeel gaan koop vetkoek. Dit terwyl dit koud is en van die mense al vanaf vyfuur die oggend staan. Die tandarts sê sy help net die eerste 15 mense. Van die 15 mense wat heeloggend gestaan het, se monde is so geswel hulle kan nie gehelp word en hul tande getrek word nie. Hoekom vra die dokter nie eers nie, dan kan iemand anders hul plek vat? Daar was skoolkinders en mense wat afgevat het van die werk wat weggestuur is met ’n seer, tyd en pyn. Toe dié mense die Maandag weer kom staan, moet hulle hoor die tandarts kom eers weer drie dae later. ’n Vrou wat werk en ’n skoolkind het gevra vir ’n afboekbrief, maar die suster skryf net pynmedikasie voor sonder om enige vrae te vra. Die seun het niks pyn, maar kry ’n sak vol antibiotika. Sy stuur hulle dokter toe, want sy kan nie ’n brief gee nie. Ek loop heeldag met pyn en moes ’n “booking” kry. Twee mense gaan in die kamer, daar is nie eers ’n gordyn nie en elkeen moet na die ander se klagtes luister. Jy word nie ondersoek nie. “Booking” word gedoen en ek moet oor ’n maand die dokters in Windhoek gaan sien. Die dokters skryf pille voor, maar geen antibiotika, inspuiting of salf om my pyn te verlig nie. My bloeddruk is bietjie laag en ek word op ’n drup gesit en toe huis toe gestuur. Inligting op my kliniekkaart wys dit bly laag, maar ek kry geen medikasie of word gesê om terug te kom nie. In die noodgevallekamer gebruik die mense nie handskoene nie, daar is nie gordyne of privaatheid nie.Die “securities” is ook net streng op sekere goed. Hulle sien nie hoe die mense inbeur nie. Jy staan van 05:00 of 06:00, dan kom daar baie kwaai kerkanties en stamp en druk in. Siek mense het geen stoele nie, jy staan drie tot vyf ure in die ry en kan later nie eers meer jou bene voel nie. Die toilet is vuil en dis nie gesond om so lank met ’n vol blaas te loop nie. Sommige personeel moet hul “attitudes” verander, hulle maak asof die kliniek aan hulle behoort. Dan sê die susters nog ook “jy moet gaan kla op Facebook”.* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Kliniek op Rehoboth se diens

Kommentaar

Republikein 2025-12-16

Meld asseblief aan om kommentaar te lewer

Kliniek op Rehoboth se diens

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.