Kan uit die verlede leer

WILLEM DE WET SKRYF:Nee magtig man. Onse burgemeester gaan woon ’n landbou-slypskool in Brazilië by! Ja, om wat mee te doen?Volgende is seker ’n slypskool in duikboot-oorlogvoering in Rusland of so iets wat uiters noodsaaklik is vir ’n burgemeester van Windhoek om by te woon, want sonder die kennis kan sy nie ’n munisipaliteit bestuur nie. En uit dieselfde burgemeester se slim raadsaal kom daar geen opbouende nuwe idees, om ons stad na nuwe hoogtes te neem nie, nee, ons breek nog af aan dit wat in 1965 opgerig is en voor alles nie plat lê wat uit die verlede kom, sal geen nuwe idees uit die span se binnekamers kan kom nie. Die hekkie van die verlede is te hoog en te gemaklik as ’n verskoning. Ons breek steeds standbeelde af en verander straatname, want dit is belangriker as paaie-onderhoud, tuinery, sypaadjies water en riool en al daai goed wat tans besig is om in onbruik te verval. Die riool loop in ons rivierbeddings af en besoedel die ondergrondse water, paaie verval en so kan ons aangaan tot vervelens toe.Sien darem een departement het die lig gesien om die Alte Feste te herstel en in hergebruik te neem, om nuwe doele te dien en ook daar te staan as ’n herinnering aan dit wat was, dit wat verkeerd gegaan het en dit wat nie weer moet gebeur nie. Mooi gedoen. Ek kan saam met die denke ’n nuwe Namibië sien opstaan. ’n Namibië vir die toekoms met opbouende nuwe idees en nuwe planne vir die toekoms. Nie die spul wat uit hopelose gebrek aan vernuwende denke dink die beste ding wat hulle as ampsdraers kan doen om vir Windhoek se straatkinders ’n toekoms te help bou, is om in die verlede te bly leef en te dink hulle doen enigiemand ’n guns om geld te mors op straatnaamveranderinge en historiese geboue en monumente afbreek aksies. Gaan vir julle volgende werkwinkel Ghana toe, en gaan leer by daardie mense hoe om met ’n soortgelyke verskriklike verlede vrede te maak, en die infrastruktuur wat uit die verlede kom te gebruik om harte skoon te maak en die verlede reg te stel in die gemoedere van die wat daaronder gely het, sowel as in die wat dit bedryf het. ’n Proses van heling met die hulp van die infrastruktuur uit daardie verskriklike verlede. Ghana het dit reg gekry om van hul verlede ’n industrie te maak wat die land en al sy mense bevoordeel, terwyl ons stadsvaders die verlede steeds gebruik as ’n verskoning vir onvermoë en dan trots meedoen aan die afbreek van die verlede en dink dit bring enigiemand iets in die sak of stel enige iets reg. Die verlede is daar en dit kan nie uitgevee word deur alles uit die verlede af te breek nie. Ons kan wel daaruit leer en dit gebruik om ’n nuwe toekoms te bou en nuwe standbeelde in skrille kontras met die historiese waarhede reg langs die verlede staan te maak, om vooruitgang te versinnebeeld en verewig en in die proses ’n geskiedenisboek te skryf oor die opstaan van ’n nasie uit die verlede met ’n trotse hede en ’n toekoms in vrede.Kan ons raadslede nie eerder kyk of hulle in die annale aangeteken kan word, as die ouens wat iets opgebou het eerder as om af te gaan as die wat alles afgebreek en laat verval het nie. Afbreek is een ding, maar wat maak julle staan in die plek daarvan? Doen iets waarop julle self en die nasie kan trots wees eerder as om te sit en werkwinkel oor wat julle kan afbreek. – Verkort* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Kan uit die verlede leer

Kommentaar

Republikein 2025-06-18

Meld asseblief aan om kommentaar te lewer

Kan uit die verlede leer

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie