Is daar dalk korrupsie met die die ministerie van arbeid se NIEIS-stelsel?
ROOI OLIFANT SKRYF:
Op 20 Junie 2023 het ek self op die ministerie van arbeid se Namibia Integrated Employment Information System (NIEIS)-stelsel as ’n voornemende werknemer geregistreer om vir ’n aanlyn pos aansoek te doen.
Groot was my verbasing om ongeveer vyf minute later, na wat soos ’n voorafgeprogrammeerde antwoord blyk te wees, te verneem dat ek nie vir die pos kwalifiseer nie toe ek ’n e-pos van [email protected] ontvang wat lui: “Hi. Thank you for your interest, but you do not meet the minimum requirements. Best regards, NIEIS.”
Net die volgende dag, op 21 Junie 2023, ontvang ek weer ’n e-pos wat lui: “Dear (my identiteitsnommer). Your application to the #594865, ‘die pos se titel’ has been declined by employer. Log in to the site and go to the My Applications section to manage this application and view its details. To cancel receiving notifications of this kind you need to log in to the site under your account, go to My Notifications and disable the respective option there. Best regards, NIEIS.” Dieselfde lot geval toe ’n vriend ook.
Die probleem wat ek egter daarmee het, is dat ek ’n relevante universiteitsgraad het vir ’n pos wat slegs graad 12 vereis, maar deur hul gekomputeerde stelsel outomaties afgekeur is. Ook toe ek registreer, het ek die opsie verkies om liewer telefonies gekontak te word, maar is daar ’n e-pos na my gestuur.
Die eerste e-pos laat blyk asof die NIEIS-administrateur my aansoek self namens hul kliënt afgekeur het, en dat hul kliënt nie daarvan weet nie. Eers in die tweede e-pos laat blyk hulle dat die firma blykbaar self my aansoek (in onder vyf minute!) afgekeur het. Dit klink dus nou dat hierdie stelsel so geprogrammeer is om sekere mense outomaties uit te skakel al kwalifiseer hulle vir poste waarvoor hulle aansoek doen. Die onus rus op NIEIS om die teendeel te bewys. Hul stelsel klink korrup en ontmoedigend, en in elk geval het dit ’n duisend probleme wanneer jy registreer.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Op 20 Junie 2023 het ek self op die ministerie van arbeid se Namibia Integrated Employment Information System (NIEIS)-stelsel as ’n voornemende werknemer geregistreer om vir ’n aanlyn pos aansoek te doen.
Groot was my verbasing om ongeveer vyf minute later, na wat soos ’n voorafgeprogrammeerde antwoord blyk te wees, te verneem dat ek nie vir die pos kwalifiseer nie toe ek ’n e-pos van [email protected] ontvang wat lui: “Hi. Thank you for your interest, but you do not meet the minimum requirements. Best regards, NIEIS.”
Net die volgende dag, op 21 Junie 2023, ontvang ek weer ’n e-pos wat lui: “Dear (my identiteitsnommer). Your application to the #594865, ‘die pos se titel’ has been declined by employer. Log in to the site and go to the My Applications section to manage this application and view its details. To cancel receiving notifications of this kind you need to log in to the site under your account, go to My Notifications and disable the respective option there. Best regards, NIEIS.” Dieselfde lot geval toe ’n vriend ook.
Die probleem wat ek egter daarmee het, is dat ek ’n relevante universiteitsgraad het vir ’n pos wat slegs graad 12 vereis, maar deur hul gekomputeerde stelsel outomaties afgekeur is. Ook toe ek registreer, het ek die opsie verkies om liewer telefonies gekontak te word, maar is daar ’n e-pos na my gestuur.
Die eerste e-pos laat blyk asof die NIEIS-administrateur my aansoek self namens hul kliënt afgekeur het, en dat hul kliënt nie daarvan weet nie. Eers in die tweede e-pos laat blyk hulle dat die firma blykbaar self my aansoek (in onder vyf minute!) afgekeur het. Dit klink dus nou dat hierdie stelsel so geprogrammeer is om sekere mense outomaties uit te skakel al kwalifiseer hulle vir poste waarvoor hulle aansoek doen. Die onus rus op NIEIS om die teendeel te bewys. Hul stelsel klink korrup en ontmoedigend, en in elk geval het dit ’n duisend probleme wanneer jy registreer.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie