Insake NG Kerk Namibië: Tyd vir hervorming?
CLEM MARAIS SKRYF:
Ek is dankbaar Bekommerd (NG Kerk: Tyd vir hervorming?, 5 Junie se brief) het besluit om onder ’n skuilnaam te skryf. Minstens kan sy absolute onkunde oor die NG Kerk nou nie aan ’n naam gekoppel word nie.
Nadat hy die “probleem” uitgewys het, wat ook al dit mag beteken dat die finansies gerig is op kapitalisme, oordeel hy dat die probleem ontstaan by die struktuur van die kerk.
En dis hier waar hy die wa verlaat met sy “vyf groepe”.
In die Gereformeerde verstaan van kerkwees, is die plaaslike gemeente die beginpunt. Dit is ’n volledige kerk, bely ons. (Ecclesia Completa sou ons in akademiese taal sê.) Die gemeentes bestaan uit lidmate met ’n kerkraad van wettig verkose en amptelik bevestigde ouderlinge en diakens. Die dominee is eintlik ook ’n ouderling – ’n lerende ouderling, teenoor die res wat regerende ouderlinge is.
Gemeentes wat geografies naby mekaar is, tree met mekaar in verband in ’n Ring. (Daar bestaan nie iets soos ’n Ringskomitee nie.) Die Ringsvergadering bestaan uit die predikante plus een ouderling/diaken vir elke predikantspos uit elke gemeente wat deel uitmaak van die ringsgebied.
Die sinode is ’n vergadering waarin elke gemeente sittingsreg het deur die dominee plus een ouderling/diaken per predikantspos. Die sinode is nie ’n entiteit wat ’n lewe van sy eie het nie. Dis ’n blatante leuen dat “lidmate al hoe meer die geldbronne geword (het)”. Alleen die werksaamhede waartoe die sinode in vergadering besluit het, word befonds. En elke gemeente is deel van daardie besluitneming, nie net deur die dominee nie, maar ook deur ’n ouderling/diaken.
Waar Bekommerd daaraan kom dat “alles aan die sinode behoort”, weet hy/sy alleen. Elke gemeente is eienaar van al haar roerende en vaste eiendom. Die eweredige deel van haar inkomste wat sy aan die sinode afstaan, is bedoel om die werksaamhede waarop die sinode besluit het, te befonds. Die sinode besit slegs die kantoor wat in Schanzenweg geleë is.
Waar kry Bekommerd inligting dat die bestaansreg van kleiner gemeentes al minder word? Die oorgrote meerderheid van die Namibiese gemeentes is kleiner gemeentes. En dat “Ringskomitees” (wat kerkregtelik nie bestaan nie) hulle “mag en invloed (wil) laat geld”? Na my beste wete is daar ’n gefokusde begeleiding van klein gemeentes binne die sinodale gebied.
Indien Bekommerd ’n NG-lidmaat is, sou ek hom graag wou vra hoekom hy die papbroek-weg kies om ’n anonieme brief in die koerant te skryf. Hoekom nie met sy plaaslike gemeente se dominee en kerkraad in gesprek gaan nie?
Indien hy nié ’n NG-lidmaat is, sal ek hom wou vra om tog net eers huiswerk te doen voor hy sy mond uitspoel oor iets wat hy duidelik niks van weet nie.
Die ou spreekwoord is hier van toepassing: Leë kruik hou toe jou kraan, dan sien hulle jou dalk vir ’n volle aan.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Ek is dankbaar Bekommerd (NG Kerk: Tyd vir hervorming?, 5 Junie se brief) het besluit om onder ’n skuilnaam te skryf. Minstens kan sy absolute onkunde oor die NG Kerk nou nie aan ’n naam gekoppel word nie.
Nadat hy die “probleem” uitgewys het, wat ook al dit mag beteken dat die finansies gerig is op kapitalisme, oordeel hy dat die probleem ontstaan by die struktuur van die kerk.
En dis hier waar hy die wa verlaat met sy “vyf groepe”.
In die Gereformeerde verstaan van kerkwees, is die plaaslike gemeente die beginpunt. Dit is ’n volledige kerk, bely ons. (Ecclesia Completa sou ons in akademiese taal sê.) Die gemeentes bestaan uit lidmate met ’n kerkraad van wettig verkose en amptelik bevestigde ouderlinge en diakens. Die dominee is eintlik ook ’n ouderling – ’n lerende ouderling, teenoor die res wat regerende ouderlinge is.
Gemeentes wat geografies naby mekaar is, tree met mekaar in verband in ’n Ring. (Daar bestaan nie iets soos ’n Ringskomitee nie.) Die Ringsvergadering bestaan uit die predikante plus een ouderling/diaken vir elke predikantspos uit elke gemeente wat deel uitmaak van die ringsgebied.
Die sinode is ’n vergadering waarin elke gemeente sittingsreg het deur die dominee plus een ouderling/diaken per predikantspos. Die sinode is nie ’n entiteit wat ’n lewe van sy eie het nie. Dis ’n blatante leuen dat “lidmate al hoe meer die geldbronne geword (het)”. Alleen die werksaamhede waartoe die sinode in vergadering besluit het, word befonds. En elke gemeente is deel van daardie besluitneming, nie net deur die dominee nie, maar ook deur ’n ouderling/diaken.
Waar Bekommerd daaraan kom dat “alles aan die sinode behoort”, weet hy/sy alleen. Elke gemeente is eienaar van al haar roerende en vaste eiendom. Die eweredige deel van haar inkomste wat sy aan die sinode afstaan, is bedoel om die werksaamhede waarop die sinode besluit het, te befonds. Die sinode besit slegs die kantoor wat in Schanzenweg geleë is.
Waar kry Bekommerd inligting dat die bestaansreg van kleiner gemeentes al minder word? Die oorgrote meerderheid van die Namibiese gemeentes is kleiner gemeentes. En dat “Ringskomitees” (wat kerkregtelik nie bestaan nie) hulle “mag en invloed (wil) laat geld”? Na my beste wete is daar ’n gefokusde begeleiding van klein gemeentes binne die sinodale gebied.
Indien Bekommerd ’n NG-lidmaat is, sou ek hom graag wou vra hoekom hy die papbroek-weg kies om ’n anonieme brief in die koerant te skryf. Hoekom nie met sy plaaslike gemeente se dominee en kerkraad in gesprek gaan nie?
Indien hy nié ’n NG-lidmaat is, sal ek hom wou vra om tog net eers huiswerk te doen voor hy sy mond uitspoel oor iets wat hy duidelik niks van weet nie.
Die ou spreekwoord is hier van toepassing: Leë kruik hou toe jou kraan, dan sien hulle jou dalk vir ’n volle aan.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie