Goddelike skepsels wat toegerus moet word

PEET VENTER (SR.) SKRYF:Die skoolklok vir 2025 het hoeka gelui – klasse vol leerlinge en in elke klas ’n “professionele onderwyser” wat voorbereide lesse aanbied. (Sien dit teen die agtergrond van ’n dokter in die teater by sy pasiënt). In hierdie vergelyking behoort die klaskamer ook net soos ’n teater te wees – uiters belangrik. Hier is nie pasiënte nie, maar gesonde, jeugdige Goddelike skepsels wat toegerus moet word vir hul voortbestaan op aarde. In die teater is die fisiese welsyn van die pasiënt, die enigste prioriteit onder leiding van die arts saam met ander mediese personeel. Net so moet die vakonderwyser sy aantal leerlinge in ’n lesperiode benader. In die beskikbare tyd moet hy/sy vakkennis suksesvol aan elke leerling oordra.En hier tree die jammerlike verskil in professionaliteit tussen leerkrag en arts duidelik na vore: die tydfaktor NOU! Vir die chirurg is die pasiënt se herstel NOU ononderhandelbaar. In die vaklokaal kom die kinders drupsgewys ingedrentel, party met ’n selfoon teen die oor.Die Bybelse vergelyking van skape sonder ’n herder is in dié geval heel gepas. Die gebrek aan lesvoorbereiding blyk duidelik as die “onnie” naderhand vra waaroor die vorige dag se les gegaan het (om sy plek in die handboek te vind).Beide chirurg en leerkrag is dan besig met hul onderskeie belangrike take. Herstel en opleiding is die prioriteite in die twee beroepe. Sukses hang van beide arts en leerkrag af. Hierdie waarnemings is oor ’n paar jaar aangestip toe die skrywer as vakadviseur verskillende skole moes besoek om vordering aldaar te monitor. In nog ’n aflewering gaan gekyk word na gebreke/struikelblokke wat tans nog bestaan.* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Goddelike skepsels wat toegerus moet word

Kommentaar

Republikein 2025-12-19

Meld asseblief aan om kommentaar te lewer

Goddelike skepsels wat toegerus moet word

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.