Die krummels en die koek

Maandag het Namibië formeel 32 jaar van onafhanklikheid met vieringe in Swakopmund herdenk.Weliswaar is vooraf gesê dat die fees net vir uitgenooide gaste is. Dit beteken nie dat die regering ’n baie belangrike les moet leer uit die herrie wat deur die uitsluiting van die voetvolk ontketen is nie – selfs ondanks Covid-19-regulasies.Vertroue in die regering verkeer waarskynlik op die laagste punt nog. Talle persepsie-indekse wys helder rooi ligte en basuin loeiende sirenes uit; menings wat ons regering lief is om eerder aan te val en te verwerp as om die belangrike leeswerk tussen die lyne te doen.Die Fishrot-skandaal het maar net ’n langdurige prentjie skerper ingebeeld van ’n elite kliek wat gedy danksy voortrekkery terwyl die massas krepeer.Beteken dit dat die regering eenvoudig niks kán doen om te “wen” of terug in Namibiërs se goeie boekies te kom nie? Beslis nie.Die huidige bedeling moes waarskynlik dusver stormwinde weerstaan waaraan geen vorige Swapo-regering nog uitgelewer was nie. By ’n langdurige resessie is eers ’n wêreldwye siektepandemie geroer en nou ’n oorlog in Oos-Europa wat internasionaal ’n steeds groter tol gaan eis.’n Goeie regering word egter nie net geken aan hoe landsake in die vet jare bestuur word nie. Dié maatstaf is nog belangriker tydens maer jare.Die boodskap aan die regering op 21 Maart 2022 was opnuut hoe dringend noodsaaklik dit bly om die nasie se vertroue terug te wen.

Die krummels en die koek

Kommentaar

Republikein 2025-04-30

Meld asseblief aan om kommentaar te lewer

Die krummels en die koek

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie