Bybelse wysheid
DR. ANNES NELJesaja 44:8: “Julle is my getuies: is daar ’n God buiten My?”
Israel het geen insig gehad nie, net soos die nasies om hulle. Hulle het afgode van goud, silwer en hout gemaak en dinge aanbid wat hulle self gevorm het. Hierdie gode kan nie praat, red of enigiets oor die toekoms sê nie. Wat ’n sinnelose poging! Jesaja wys hoe belaglik dit is om gode te maak wat niks kan doen nie (44:9-20).
Israel se blindheid is ook myne. Ek verruil te dikwels die lewende God wat my gemaak en verstaan, vir dinge wat my toekoms glad nie kan verseker nie (44:21,24). Ek verruil die ewige God (44:6) vir tydelike afgode – geld, mag, drome, mense, of my eie planne. Ek vergeet die Een wat alles in sy hand hou (45:1-8) en probeer self beheer neem. Hierdie afgode belowe baie, maar kan nie ’n enkele belofte nakom nie.
Miskien ervaar jy dit ook – daardie konstante suigkrag om God met iets anders te vervang. Tog het die Here vir Israel gesê Hy het hulle sondes al vergewe (44:22). Hy roep hulle om terug te kom.
Hoe kan ons aanhou wegstap van ’n God wat ons steeds liefhet, selfs in ons mislukkings? In Christus wys God sy liefde vir sondaars – vir die gebrokenes, die verlore mense, vir die wêreld. . . en vir jou ook. Draai om na Hom toe!
Here, genees my afgodery en blindheid. Ek kies vandag om met my hele hart terug te keer na U toe.
Amen.
Israel het geen insig gehad nie, net soos die nasies om hulle. Hulle het afgode van goud, silwer en hout gemaak en dinge aanbid wat hulle self gevorm het. Hierdie gode kan nie praat, red of enigiets oor die toekoms sê nie. Wat ’n sinnelose poging! Jesaja wys hoe belaglik dit is om gode te maak wat niks kan doen nie (44:9-20).
Israel se blindheid is ook myne. Ek verruil te dikwels die lewende God wat my gemaak en verstaan, vir dinge wat my toekoms glad nie kan verseker nie (44:21,24). Ek verruil die ewige God (44:6) vir tydelike afgode – geld, mag, drome, mense, of my eie planne. Ek vergeet die Een wat alles in sy hand hou (45:1-8) en probeer self beheer neem. Hierdie afgode belowe baie, maar kan nie ’n enkele belofte nakom nie.
Miskien ervaar jy dit ook – daardie konstante suigkrag om God met iets anders te vervang. Tog het die Here vir Israel gesê Hy het hulle sondes al vergewe (44:22). Hy roep hulle om terug te kom.
Hoe kan ons aanhou wegstap van ’n God wat ons steeds liefhet, selfs in ons mislukkings? In Christus wys God sy liefde vir sondaars – vir die gebrokenes, die verlore mense, vir die wêreld. . . en vir jou ook. Draai om na Hom toe!
Here, genees my afgodery en blindheid. Ek kies vandag om met my hele hart terug te keer na U toe.
Amen.
Kommentaar
Republikein
Geen kommentaar is op hierdie artikel gelaat nie