Bybelse wysheid

DR. ANNES NELEksodus 12:24: “Julle en julle kinders moet altyd hierdie voorskrif eerbiedig.”Hoekom dien jy die Here? Hoekom gaan ons kerk toe, hou ons nagmaal, doop ons, bid ons, of bestudeer ons die Bybel?Paasfees het begin as ’n gesinsfees, gevul met simbole wat die gesin gehelp het om ’n groot gebeurtenis te herleef. Tog was die betekenis nie altyd duidelik vir die kinders nie. Daarom het hulle gevra waarom al hierdie gebruike onderhou moet word. Die pa het die geleentheid aangegryp om aan die kinders te verduidelik dat die lam, die hissoptakkie en die bloed simbole was wat die grootste gebeurtenis in die geskiedenis – God se bevryding van sy mense – herdenk het (Eks. 12:24–27).Vir Christene is Paasfees ’n groter rede om fees te vier. Ons Paaslam is geslag – Christus Jesus (1 Kor. 5:7,8; 1 Pet. 1:18,19). Sonder Hom sou ons steeds slawe van onsself en ons sonde wees. Ons moet voortdurend weer leer dat ons verlos is – en dit móét ons vier!Die nagmaal herinner ons ook daaraan. Wanneer ons brood en wyn deel, deel ons in die wonder van Christus se dood en opstanding. Dit is vir ons ’n geleentheid om aan ons kinders te verduidelik wat gebeur het toe die Lam van God geoffer is. As ons dit nie doen nie, verloor aanbidding alle betekenis. Ons moet herontdek dat ons doel in die lewe net in Christus gevind word.Here, maak ons instrumente vir ons kinders van die verhaal van U verlossing. Amen.

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.