Bybelse wysheid

DR. ANNES NELEksodus 15:11: “Wie van die gode is soos U, Here? Wie is soos U, so hoog geëer en heilig? In lofsange word U vereer, Bewerker van wonderdade!”Geen ander gebeurtenis in die Ou Testament word so dikwels genoem soos die Uittog nie – toe God sy volk uit Egipte bevry het. Ná hierdie wonderlike redding het die skrywer twee liedere opgeteken; een van Moses en een van Mirjam (15:21).Moses se lied het twee dele: Die eerste deel (15:1-12) vier die kragtige redding uit Egipte. In die tweede deel word toekomstige gebeure genoem. Dit verwys na die intog in die beloofde land (15:13) en die oorwinning oor nasies (15:14–16). Dit dui selfs op ’n plek van aanbidding (15:17).Hierdie lied is in aanbidding gebruik. Dit het die volk gehelp om te onthou en te vier hoe die Here hulle gered en in die beloofde land ingelei het. God het nie net die koning van Egipte verslaan nie, maar Hy heers oor alle konings en oor die hele aarde (15:3-10,18). Die volk wat eers vir God en Moses bang was (14:31), sing nou dankbare lof aan die Here wat al sy beloftes nagekom het.As Christene hieroor nadink, behoort ons ook God se grootheid in Christus te besing. Agter ons lê die bevryding uit die slawerny van sonde! Voor ons lê die beloofde land. Alle eer aan God!Aan U, o God, bring ek lof vir u grootheid – deur alle eeue heen. Amen.

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.