Bybelse wysheid

DR. ANNES NELPsalm 139:8: “Klim ek op na die hemel, is U daar, gaan lê ek in die doderyk, is U ook daar.”Nadat die eerste mens die ruimte betree het, het die ruimtevaarder Yuri Gagarin glo gesê dat hy oral gekyk het, maar God nie kon sien nie. Sommige Christene was baie bekommerd oor hierdie opmerking. Volgens berigte het hulle ’n telegram aan die Switserse teoloog Karl Barth gestuur om sy kommentaar hieroor te vra. Barth het geantwoord: lees net Ps. 139 en moenie paniekerig raak nie!Ps 139:7-12 beklemtoon dat God oral is. Daar is paniek en troos in hierdie woorde. Natuurlik kan dit mens bang maak om te dink dat God ook die donker plekke van ons lewe ken. Dikwels probeer ons vir God wegkruip. Dit is onmoontlik. Die troos is egter dat dit nie vir ons ’n bedreiging hoef te wees nie. Die mooiste waarheid is dat God teenwoordig is in elke situasie van ons lewens. Hy is oral: oos, wes, noord, suid, in my werkplek en skool, huis, slaapkamer, donker plekke, hospitale en ouetehuise. Hy is daar wanneer ek swaarkry. Bowenal, selfs in die doderyk is God teenwoordig. Hy is Immanuel, God met ons.In Jesus het God ons lewens op elke plek kom deel – donker of lig. Sy Gees woon in ons. Ons is nooit alleen nie! Wat ’n troos om te weet dat God oral is.* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Bybelse wysheid

Kommentaar

Republikein 2026-06-10

Meld asseblief aan om kommentaar te lewer

Bybelse wysheid

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.