Brief na aanleiding van aanval op 83-jarige

LEON KOTZE SKRYF:Nou wil ek weet: Waar is ons polisie? Hoekom sien ons nie polisie in die strate nie? Nie in die woonbuurte nie en ook nie in die middedorpe nie. Ek bly in Swakop en ek sien nooit polisielede op patrollie te voet in die dorp nie. Nie met voertuie nie, te voet? Ek sien wel hoe word polisielede in die oggende met polisievoertuie (vangwaens) voor die polisiestasie in Swakop afgelaai vir werk. Daar is voertuie om as ’n “taxi” gebruik te word, maar nooit as hulle vinnig by ’n misdaadtoneel moet kom nie.Hoekom moet ons, wat belasting betaal, nog ander veiligheidsmaatreëls tref terwyl ons ’n polisiemag het wat in die polisiestasie sit en sertifikate, afskrifte ens. sertifiseer. En dan soms ook nie vreeslik vriendelik nie.Ons betaal vir sekuriteitsmaatskappye om ons huise ens. op te pas. G4S ens. Hoekom, ons het dan polisie?Hier in Swakop in die middedorp is manne vir “public safety”. Privaat inisiatief. Hoekom, ons het dan polisie?Ons moet vir karwagte betaal. Hoekom, ons het dan polisie? Dan is daar nog buurtwagte. Hoekom, ons het dan polisie? En dan nog reserviste ook, manne en vrouens wat baie opoffer. Hoekom, ons het dan polisie?Die amptelike pligte en funksies van die Namibiese polisiemag (Nampol) word wetlik voorgeskryf deur Artikel 115 van die Grondwet van Namibie en word in detail uiteengesit in Artikel 13 van die Polisiewet (Wet 19 van 1990).Die mag het vier primêre statutêre funksies:1) Handhawing van die binnelandse veiligheid van Namibië.2) Handhawing van wet en orde. Onder andere hier: Sigbare polisiëring: Dit sluit die uitvoering van patrollies (te voet of per voertuig) in om ’n veilige omgewing te skep en wetsoortreders af te skrik.3) Ondersoek van enige misdryf of beweerde misdryf.4) Voorkoming van misdaad en die beskerming van lewe en eiendom.Kom uit die kantore uit Nampol, kom op straat waar julle hoort.* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Brief na aanleiding van aanval op 83-jarige

Kommentaar

Republikein 2026-10-29

Meld asseblief aan om kommentaar te lewer

Brief na aanleiding van aanval op 83-jarige

Kommentaar

Republikein 2026-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.