Brief aan die president
JURIE VILJOEN SKRYF:
U Ekselensie, president van Namibië, me. Netumbo Nandi-Ndaitwah. Ek wil graag in Afrikaans met u praat, omdat dit my ma se taal is en ek geen kwade bedoelings het nie.
Ná die staatsrede op 24 April dink ek dat die meeste mense verras is met die inhoud en wyse waarop u dit gedoen het. U het die toespraak met selfvertroue en oortuiging gedoen. Die meeste dinge wat u in hierdie kort tyd gedoen het, het byval by die mense gevind en ek dink dat baie ander lande dit graag sou wou doen. Die verkleining van die kabinet, byvoorbeeld was ’n stap wat lankal nodig was. Die besparing wat dit te weeg bring kan net tot voordeel van die land wees.
Die volgende dag by die uitgangshek vra ek terloops vir ’n groep werkers wat hulle van die president se toespraak dink en antwoord een spontaan: “free schools”.
Persoonlik dink ek dit is een van die moeilikste beloftes om uit te voer. Ons wat ’n leeftyd in die onderwys deurgebring het, is bewus daarvan dat een enkele skool soveel fondse nodig het, dat dit vir die regering moeilik sal wees om dit wat ouers normaalweg bygedra het, uit staatsfondse te doen.
Van die skole het hul eie busse vir die vervoer van leerlinge. Min mense besef om een bus te verseker kos tussen N$20 000 en N$30 000.
Ek wil vir u goeie gesondheid toewens en dat u die seën van die Here sal ontvang om u werk tot voordeel van al ons mense te doen.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
U Ekselensie, president van Namibië, me. Netumbo Nandi-Ndaitwah. Ek wil graag in Afrikaans met u praat, omdat dit my ma se taal is en ek geen kwade bedoelings het nie.
Ná die staatsrede op 24 April dink ek dat die meeste mense verras is met die inhoud en wyse waarop u dit gedoen het. U het die toespraak met selfvertroue en oortuiging gedoen. Die meeste dinge wat u in hierdie kort tyd gedoen het, het byval by die mense gevind en ek dink dat baie ander lande dit graag sou wou doen. Die verkleining van die kabinet, byvoorbeeld was ’n stap wat lankal nodig was. Die besparing wat dit te weeg bring kan net tot voordeel van die land wees.
Die volgende dag by die uitgangshek vra ek terloops vir ’n groep werkers wat hulle van die president se toespraak dink en antwoord een spontaan: “free schools”.
Persoonlik dink ek dit is een van die moeilikste beloftes om uit te voer. Ons wat ’n leeftyd in die onderwys deurgebring het, is bewus daarvan dat een enkele skool soveel fondse nodig het, dat dit vir die regering moeilik sal wees om dit wat ouers normaalweg bygedra het, uit staatsfondse te doen.
Van die skole het hul eie busse vir die vervoer van leerlinge. Min mense besef om een bus te verseker kos tussen N$20 000 en N$30 000.
Ek wil vir u goeie gesondheid toewens en dat u die seën van die Here sal ontvang om u werk tot voordeel van al ons mense te doen.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie