Brand by West Nest Lodge

AWIE VAN DER WESTHUIZEN SKRYF:

Die bestuur en personeel van West Nest Lodge wil van die geleentheid gebruik maak om ons dank oor te dra aan almal wat gehelp het om die brand te beheer en te beperk tot die hoofgebou. Altyd goed om te sien hoe mans en vroue uit die boerdery-omgewing saam kan staan, dag of nag. Sonder hierdie hulp en bystand kon dinge baie erger gewees het, want die veld is droog en vuur maak sy eie wind.

Ons dank aan almal wat ondersteun en bemoedig het en steeds doen. Ook aan ons getroue gaste wat steeds kom kuier, ons waardeer julle opreg.

Die afgelope week was ’n growwe grondpad, maar met krag en genade van bo, sien ons kans om aan te gaan. Waar ons hande te swak is om te bou en vas te hou, sal die Here ons verder dra.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.