Beskerm renosters

LINETTE SMIT SKRYF:Dit is hartverskeurend om die kosbare familie van renosters (met twee dragtig!) so dood op julle foto te moes sien. ’n Mens wonder voorwaar of die regering/wildbewaring werklik ernstig is om hulle te beskerm. Sal Prins Harry or Angelina Jolie of iemand nie gretig wees om so ’n verdienstelike saak te ondersteun, soos om dringend ’n muur om die park te bou nie? Is hulle al gevra? Wat word gedoen?As gesin was ons verlede week in Etosha, waar ’n werknemer gedeel het dat die uitwissing van die witrenoster ’n wesenlike moontlikheid is, soos dit tans gaan. Toe ons Woensdag Etosha verlaat en by die Okaukuejo-hek uitry, merk ons op dat daar net buite die park (op die linkerkant) ’n hek is wat wawyd oopstaan! Die hek het ’n NO ENTRY-teken op, maar hang klaarblyklik al lankal so oop. Ons het stilgehou en die hek toegemaak, maar die slot daaraan is al so lankal oop, dat ons dit nie toegedruk kon kry nie. ’n Oop uitnodiging aan stropers om met ’n bakkie die park binne te ry? En die hele tyd dat ons besig was om die hek te probeer toekry, was daar ’n wag by die hek van ’n lodge reg oorkant wat staan en toekyk. Wat ’n skande vir ons almal, dat ons wild voor ons oë verdwyn.Ons was onlangs in Nieu-Seeland, waar ons telkens geglimlag en kopgeskud het oor die karige paar spesies wildlewe wat die land het (in vergelyking met ons land), maar waaroor hulle verskriklik jaloers en aggressief waak, asof dit die laaste diere op aarde is. Noudat ek die minder-wordende wildlewe van ons eie Etosha self gesien het en die argeloosheid waarmee hulle afgemaai word, het ek baie bewondering vir NZ se passie vir die bewaring van hul eie diere. Asseblief Namibiërs, moenie dit toelaat dat ons by alles, ons diere ook verloor nie!* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Beskerm renosters

Kommentaar

Republikein 2025-06-18

Meld asseblief aan om kommentaar te lewer

Beskerm renosters

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie