20 jaar gelede

MAANDAG 29 AUGUSTUS 2005• Die direkteur: uitgawes en finansiële beheer en waarnemende rekenmeester-generaal van die Ministerie van Finansies, mnr. Maru Tjihumino, is uit sy pos geskors.• Namibië sal nooit weer ’n kolonie van ’n ander land wees nie.DINSDAG 30 AUGUSTUS 2005• Regstreekse onderhandelinge tussen die Namibiese en Duitse regerings vir die aanwending van die beoogde N$160 miljoen, sal bepaal vir watter projekte die geld aangewend word.• Motorbestuurders wat teen môre nog nie hul ou lisensies vir die nuwe kaartlisensie omgeruil het nie, staar ’n moontlike boete van N$300 in die gesig. WOENSDAG 31 AUGUSTUS 2005• Die Namibiese polisie, in samewerking met Interpol, ondersoek ’n gerug dat die omstrede tandarts van Rundu wat landuit gevlug en kort daarna glo in Suid-Afrika selfmoord gepleeg het, nog leef.• Die waarnemende sekretaris-generaal van die Nasionale Jeugraad (NYC), mnr. Ralph Blaauw, het die voorbeeld van sy politieke kameraad in die Swapo Jeugliga en voormalige adjunkminister, mnr. Paulus Kapia, gevolg deur laat gistermiddag sy bedanking uit dié vertrouensposisie aan te kondig. DONDERDAG 1 SEPTEMBER 2005• Standbeeld-politiek is weer aan die orde van die dag met hernude planne om oudpresident Sam Nujoma by wyse van ’n standbeeld in brons te verewig.• Die Johannesburgse beleggingsmakelaar wat in omstredenheid gedompel is sedert sy naam by die Avid-debakel ingesleep is, het Dinsdag met sy eerste verskyning in ’n geslote insolvensie-ondersoek in Kaapstad aangedui dat hy nie nou die geld het om N$15 miljoen wat hy reeds maande volgens ’n geregtelike skikking in die Goudstad aan Namangol Investments skuld, terug te gee nie. VRYDAG 2 SEPTEMBER 2005• Van die name wat na vore kom in die soektog na die ODC se miljoene wat verdwyn het, vertel ’n verhaal van omstredenheid.• President Hifikepunye Pohamba gaan ’n dringende en deurtastende ondersoek las na die besteding van geheime fondse uit die weermagbegroting van 2001 toe ’n wapentransaksie skeefgeloop het en die Regering N$3,1 miljoen verloor het.

20 jaar gelede

Kommentaar

Republikein 2025-12-15

Meld asseblief aan om kommentaar te lewer

20 jaar gelede

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.