20 jaar gelede

MAANDAG 7 AUGUSTUS 2006– Vir Ryan Liguma was die heuglike opening van Hangana Seafoods se aanleg vir toegevoegde waarde nie beskore nie. – Walvisbaai se Renaissance het begin.– ’n Opheffing van die verbod op stokvisvangste in water vlakker as 200 meter moet deur die Minister van Visserye en Mariene Hulpbronne, dr. Abraham Iyambo, oorweeg word. DINSDAG 8 AUGUSTUS 2006– ’n Gru-ongeluk waarin drie voertuie net noord van Kalkrand betrokke was, het laat Sondagmiddag die lewens van minstens twaalf mense geëis. – Die kaartehuis van mnr. Antoine (Tony) Mbok, die sakeman wat agter die omstrede miljarddollar Northland City-ontwikkeling staan, is blykbaar besig om te tuimel nadat sy multimiljoendollar-behuisingsprojek in Windhoek ook in stormwater beland het. – Verskeie maatreëls is pas deur die Minister van Onderwys, mnr. Nangolo Mbumba, aangekondig om te verhoed dat ouers en leerlinge volgende jaar weer voor oorvol skole toustaan. WOENSDAG 9 AUGUSTUS 2006– Witvlei het gister gejuig toe die eerste 42 beeste by die dorp se vleisverwerkingsaanleg, Witvlei Meat, geslag is. – Motoriste sal binne die volgende paar dae tot 20 sent meer vir ’n liter brandstof moet betaal. – Die plasing van ’n brief in die New Era waarin ’n aanval op die Kwanyama-sprekende Namibiërs geloods was, het Maandagmiddag ’n nadraai gehad toe die nuusredakteur van die regeringsmondstuk, mnr. Da’oud Vries, geskors is. DONDERDAG 10 AUGUSTUS 2006– Minstens drie amptenare by die Universiteit van Namibië (Unam) is weens beweerde ongerymdhede die afgelope maand afgedank. – Die Swapo-verdeeldheid wat deur faksievorming in die regerende party gedryf word, kan vanaand met die party se takvergadering van die Windhoek-Oos-kiesafdeling op die spits gedryf word. – Sjebeeneienaars wat gister in groot getalle by die Dranklisensieraad opgedaag het, het die wind van voor gekry toe hulle meegedeel is dat hul aansoeke om ’n sjebeen te bedryf, ongeldig is. VRYDAG 11 AUGUSTUS 2006– Namibiërs wat van voorneme is om na die buiteland te reis, moet let op die nuutste veiligheidsmaatreëls vir lugreise wat ingestel is na die Britse polisie gisteroggend ’n vermeende terroristekomplot gefnuik het. – Die onderverhaling van die brandstofprys in die draai van die eeu sorg nou vir hemelhoë pryse, maar N$100 miljoen van ’n lening deur die Ministerie van Myne en Energie om ’n finansiële agterstand van N$300 miljoen in te haal, is klaar betaal.– Boere se Kersfees van ongekende hoë pryse vir speenkalwers op veilings in Namibië is nog nie verby nie.

20 jaar gelede

Kommentaar

Republikein 2026-09-29

Meld asseblief aan om kommentaar te lewer

20 jaar gelede

Kommentaar

Republikein 2026-09-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.