20 jaar gelede

MAANDAG 17 APRIL 2006

– Publieke vakansiedag

DINSDAG 18 APRIL 2006

– Met die Paasnaweek agter die rug en die skoolvakansie in volle swang, wag die tweede petrolskok van die jaar vanoggend op motoriste nadat ’n prysverhoging van 21 sent per liter diesel en twaalf sent per liter vir petrol aangekondig is. 

– Elf mense is op die vooraand van die Paasnaweek in ’n motorongeluk tussen Karibib en Usakos dood.

– Inwoners van Lüderitz het die naweek gesien wat tot dusver nog net vir binnelanders beskore was.  

                                                         

WOENSDAG 19 APRIL 2006

– Matige tot swaar reënbuie het sedert die begin van die Paasnaweek landswyd uitgesak.             

– In die jongste wending waarin die Regering bedrog en korrupsie hok wil slaan, is die voormalige direkteur van Automated Fuel Systems Namibia (AFS), mnr. Esau Mbako, vir bedrog teen die staat aangekla en sal hy moet verantwoording doen vir nagenoeg N$1,6 miljoen wat uit die staatsgarage se koffers verduister is.

– Die jongste amptelike syfer van sterftes op Namibiese paaie oor die afgelope Paasnaweek is 21 – ses gevalle meer as verlede jaar, nadat nog ’n gru-ongeluk wat Vrydagmiddag op die hoofpad tussen Otavi en Otjiwarongo plaasgevind het, ook aangemeld is.  

             

DONDERDAG 20 APRIL 2006

– Die Bateleur het geland en saam met hom genoeg brandstof gebring om die toerismesektor se ligte vliegtuigbedryf uit die penarie te red waarin hy hom voor die Pase bevind het.                                                

– ’n Rare ysstorm naby Schlip het Dinsdag taamlike groot skade op boere van die omgewing se plase aangerig.   

– Twee Maleisiese maatskappye gaan hulle voor die einde van die jaar in Namibië vestig wat naas die Ramatex-tekstielaanleg die grootste buitelandse belegging in die land sal wees.

VRYDAG 21 APRIL 2006

– Skenkerlande, ontwikkelingsvennote en die sakesektor het gister by ’n hoëvlakberaad in Windhoek ’n bykomende N$282 miljoen vir Namibië se voorgenome onderwysrewolusie beloof.              

– Nóg ’n grondskandaal onder die vaandel van swart ekonomiese bemagtiging is besig om aan die kus te ontvou waar uitsoek seefronterwe op Wlotzkasbaken glo aan hoë politieke amptenare en invloedryke figure “uitgedeel” is. 

– Die grondhervormingsproses in Namibië gaan voor sy grootste toets nóg te staan kom wanneer drie “afwesige buitelandse grondeienaars” die proses in die land se hoogste howe beproef.