Schlettwein steun San-herdenking

Die minister van landbou, water en grondhervorming, Calle Schlettwein, het amptelik die hervestigingsbegunstigde en eienaar van eenheid B van die plaas Okorusu no. 88 gevra dat die Hai//om San toegang verleen word tot die graf van die ontslape opperhoof Fritz Aribeb. In 2022 het lede van die grootste San-stam in Namibië laas hul gevalle leier voor die geslote hekke van die plaas herdenk, volgens hoofman Joseph /Gomoseb.“Ons waardeer dit baie dat Schlettwein sy eie mense gestuur het om ondersoek in te stel en ons leier te erken,” sê /Gomoseb.Die opperhoof van die Hai//om San, Ananias Soroseb, sê hulle hoop om die herdenking op 10 Desember te kan vier by die plek waar Aribeb se oorskot begrawe is.“Dit beteken baie vir die Hai//om San-stam in Namibië, dat ons held in 1904 in die eerste San-Duitse-oorlog aan die hand van Duitse magte geval het. Sedertdien het ons ons voorvaderlike grond, ons hulpbronne, ons tradisie, ons diere en ons waardigheid verloor, selfs vandag,” sê Soroseb.Schlettwein skryf dat hy op 10 Junie met Soroseb oor die kwessie vergader het, waar hy ingelig is dat die Hai//om San nie toegang tot Aribeb se graf het nie.Die minister verwys na regeringsbeleid en die besluit van die tweede nasionale grondkonferensie van 2018, om gemeenskappe toegang te gee tot belangrike kulturele en historiese plekke.Schlettwein stel dit uitdruklik dat sy versoek nie die Hai//om sal toelaat om die plaas te beset nie, en dat die eienaar drie maande kennis gegee moet word voor die herdenking.Soroseb sê hy sal later vandeesweek met die plaaseienaar in verbinding tree.Die minister het ook die eienaar ingelig dat die adjunk- uitvoerende direkteur vir grondhervorming, hervestiging en streekprogramme van die ministerie die plaas sal besoek om die graf te besigtig.Volgens /Gomoseb het die eienaar egter reeds die boom by die graf afgesaag en die klippe verwyder wat gebruik is om die graf te merk. – augetto@nmh-hub.com.na

Schlettwein steun San-herdenking

Kommentaar

Republikein 2025-11-04

Meld asseblief aan om kommentaar te lewer

Schlettwein steun San-herdenking

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.