Oud-SWATF-lede weier om te stem

Meer as 300 oudsoldate van die destydse SWA-gebiedsmag (SWATF) het op 12 September op Rehoboth vergader en eenparig besluit om nie in die komende presidensiële en parlementêre verkiesings te stem nie.Volgens Lukas de Klerk, die voorsitter van ’n verteenwoordigende komitee, is die besluit geneem omdat nie een van die mededingende politieke partye die oudsoldate se pleidooi erken of bevorder nie.“Ons doen ’n beroep op die oudsoldate om weg te bly van die stemlokale, in protes teen die gebrek aan erns waarmee ons probleme, kwessies, pyn en lyding oor die jare deur enige van die politieke bewegings opgeneem is,” lui ’n mediaverklaring wat hy onderteken het.Met onafhanklikwording is SWATF ontbind, en sedertdien soek Namibiese dienspligtiges wat aan die Suid-Afrikaanse kant geveg het steeds erkenning as veterane.In ’n vorige hofsaak het hulle probeer om die grondwetlikheid van die Veteranewet no. 2 van 2008 uit te daag.Die mosie is tans teruggetrek, maar De Klerk is oortuig daarvan dat dit weer ingedien sal word.In die verklaring vra die oudsoldate en hul families dat daar geen inmenging met die saak moet wees nie, en hulle dring daarop aan dat hulle nie belangstel om met enige maatskappy, organisasie of vereniging saam te werk om die hofsaak voort te sit nie.“Ons daag slegs die diskriminasie teen ons uit en soek slegs veteraanstatus, soos dié van voormalige vegters van die People’s Liberation Army of Namibia (PLAN),” lui die verklaring.Verder doen hulle ’n beroep dat daar ondersoek ingestel moet word na die waarheid agter gerugte van uitstaande geld wat die Verenigde Nasies (VN) of Sanlam moontlik nog namens die soldate hou.Sanlam het destyds ’n uitbetaling gemaak wanneer enige SWATF-lede gesterf het, gefinansier uit maandelikse salarisaftrekkings, brei De Klerk uit.Die VN het glo ná onafhanklikwording geld gegee om alle soldate te betaal, maar die dienspligtiges het volgens hom nooit hul deel ontvang nie.Volgens De Klerk was daar altesaam 22 600 soldate wat teen die einde van die oorlog teruggekeer het, hoewel minstens 7 000 van hulle sedertdien gesterf het.– augetto@nmh-hub.com.n

Oud-SWATF-lede weier om te stem

Kommentaar

Republikein 2026-05-05

Meld asseblief aan om kommentaar te lewer

Oud-SWATF-lede weier om te stem

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.