Ondonga: Boete van tot N$4 500 vir verneukers
Egbrekers, wetsoortreders se boetes effe aangepas
As 'n getroude vrou van Ondonga haar man oor verneukery verkla, sal die "ander vrou" nou N$4 500 moet opdok of drie beeste moet afstaan.
‘n Man of vrou wat daaraan skuldig bevind word dat hulle ‘n seksuele verhouding met ‘n persoon het wat met iemand anders getroud is binne die Ondonga Tradisionele Owerheid se jurisdiksie, sal met N$4 500 of met drie beeste beboet word.
Dit volgens aangepaste boetes wat onlangs deur koning Omukwaniilwa Fillemon Shuumbwa Nangolo bekragtig is.
Die nuwe boetes, wat in Desember 2021 in werking getree het, teiken egbrekers en ander wetsoortreders.
Diegene wat egbreuk pleeg met ‘n getroude persoon, sal ‘n boete van N$1 500 of met een bees betaal. As ‘n getroude vrou byvoorbeeld haar man vir verneukery aanmeld, sal die vrou met wie hy na bewering die buite-egtelike verhouding het, met N$4 500 of drie beeste beboet word, terwyl die man N$1 500 sal moet opdok.
Omukwaniilwa Nangolo het sy “onderdane” herinner aan die strafboetes vir egbrekers en wetsoortreders en hulle aangespoor om die pad van moraliteit en wetsgehoorsame burgers te volg.
Hy het gesê die boetes moet mense onder leiding van die agt Ovawambo tradisionele owerhede - Ondonga, Oukwanyama, Uukwambi, Ongandjera, Uukwaluudhi, Uukologhadhi, Ombalanhu en Ombadja – herinner wat hul strawwe sal wees indien hulle nie die reëls en orde volg wat geïmplementeer is nie.
Hierdie boetes, het hy gesê, is gewysig en aanvaar op ‘n beraad wat op 31 Julie 2014 op Ongwediva in die Oshanastreek gehou is en deur die agt tradisionele owerhede bygewoon is. Omukwaniilwa Immanuel Kauluma Elifas was destyds die koning van die Ondonga-stam.
DOELBEWUSTE MOORD
Dorpsinwoners wat opsetlik moord pleeg, moet 10 beeste of N$15 000 aan die oorledene se familie betaal, wat ‘n bedrag van N$13 500 vir die oorledene se naasbestaandes en N$1 500 vir die versoening van die families insluit.
Intussen sal diegene wat iemand per ongeluk doodmaak, met N$7 500 of vyf beeste beboet word en N$6 000 of vier beeste aan die familielede moet betaal.
Die wette bepaal verder indien ‘n dorpenaar iemand se arm, been of oog ernstig beseer, moet vyf beeste - of alternatiewelik N$7 500 - aan die slagoffer betaal word vir elk van die gelyste liggaamsdele wat beseer is.
‘n Tandbesering word beboet met een bees, of N$1 500 en ’n kopbesering wat toegedien is met N$1 500.
Diegene wat daarvan beskuldig word dat hulle ‘n jong vrou swanger gemaak het, sal met twee beeste of N$3 000 moet betaal. In die geval waar ‘n man ‘n meisie verkrag en swanger maak en dié meisie is onder 18 en/of leef met ’n fisieke of verstandelike gestremdheid, of is ‘n leerling of student, moet die oortreder met drie beeste of ’n bedrag van N$4 500 betaal.
Diegene wat ongetroud is en konsensuele seks het wat tot swangerskap lei, sal ’n boete van N$1 500 opgelê word of een bees moet prysgee.
GEEN KRITIEK OP ANDER SE LYWE
Tradisionele leiers het ook besluit om strawwe op te lê aan diegene wat daarvan beskuldig word dat hulle iemand se liggaamsdele beledig het.
Om iemand se lyf van kop tot naeltjie te beledig, sal ‘n boete van N$150 tot gevolg hê, terwyl die belediging van enigiets van die middel en ondertoe tot ‘n boete van N$250 sal lei.
Daar is besluit om nie ‘n waarde aan diefstal te heg nie, en die aanwesiges het ‘n konsensus bereik dat elke tradisionele leier oor die gepaste boete sal besluit, afhangende van die waarde van die gesteelde goedere.
Diegene wat daarvan beskuldig word dat hulle ’n natuurlike waterbron – wat deur mense en diere gebruik word – besoedel het, sal ’n boete van N$200 betaal.
Die fooi vir die toekenning van ‘n mahangu-land is een bees of N$600, terwyl grond vir die oprigting van ‘n sjebeen N$150 beloop en N$50 vir die tradisionele brousel otombo.
Die reëls en boetes word elke vyf jaar gewysig of wanneer dit nodig is.
– [email protected]
Dit volgens aangepaste boetes wat onlangs deur koning Omukwaniilwa Fillemon Shuumbwa Nangolo bekragtig is.
Die nuwe boetes, wat in Desember 2021 in werking getree het, teiken egbrekers en ander wetsoortreders.
Diegene wat egbreuk pleeg met ‘n getroude persoon, sal ‘n boete van N$1 500 of met een bees betaal. As ‘n getroude vrou byvoorbeeld haar man vir verneukery aanmeld, sal die vrou met wie hy na bewering die buite-egtelike verhouding het, met N$4 500 of drie beeste beboet word, terwyl die man N$1 500 sal moet opdok.
Omukwaniilwa Nangolo het sy “onderdane” herinner aan die strafboetes vir egbrekers en wetsoortreders en hulle aangespoor om die pad van moraliteit en wetsgehoorsame burgers te volg.
Hy het gesê die boetes moet mense onder leiding van die agt Ovawambo tradisionele owerhede - Ondonga, Oukwanyama, Uukwambi, Ongandjera, Uukwaluudhi, Uukologhadhi, Ombalanhu en Ombadja – herinner wat hul strawwe sal wees indien hulle nie die reëls en orde volg wat geïmplementeer is nie.
Hierdie boetes, het hy gesê, is gewysig en aanvaar op ‘n beraad wat op 31 Julie 2014 op Ongwediva in die Oshanastreek gehou is en deur die agt tradisionele owerhede bygewoon is. Omukwaniilwa Immanuel Kauluma Elifas was destyds die koning van die Ondonga-stam.
DOELBEWUSTE MOORD
Dorpsinwoners wat opsetlik moord pleeg, moet 10 beeste of N$15 000 aan die oorledene se familie betaal, wat ‘n bedrag van N$13 500 vir die oorledene se naasbestaandes en N$1 500 vir die versoening van die families insluit.
Intussen sal diegene wat iemand per ongeluk doodmaak, met N$7 500 of vyf beeste beboet word en N$6 000 of vier beeste aan die familielede moet betaal.
Die wette bepaal verder indien ‘n dorpenaar iemand se arm, been of oog ernstig beseer, moet vyf beeste - of alternatiewelik N$7 500 - aan die slagoffer betaal word vir elk van die gelyste liggaamsdele wat beseer is.
‘n Tandbesering word beboet met een bees, of N$1 500 en ’n kopbesering wat toegedien is met N$1 500.
Diegene wat daarvan beskuldig word dat hulle ‘n jong vrou swanger gemaak het, sal met twee beeste of N$3 000 moet betaal. In die geval waar ‘n man ‘n meisie verkrag en swanger maak en dié meisie is onder 18 en/of leef met ’n fisieke of verstandelike gestremdheid, of is ‘n leerling of student, moet die oortreder met drie beeste of ’n bedrag van N$4 500 betaal.
Diegene wat ongetroud is en konsensuele seks het wat tot swangerskap lei, sal ’n boete van N$1 500 opgelê word of een bees moet prysgee.
GEEN KRITIEK OP ANDER SE LYWE
Tradisionele leiers het ook besluit om strawwe op te lê aan diegene wat daarvan beskuldig word dat hulle iemand se liggaamsdele beledig het.
Om iemand se lyf van kop tot naeltjie te beledig, sal ‘n boete van N$150 tot gevolg hê, terwyl die belediging van enigiets van die middel en ondertoe tot ‘n boete van N$250 sal lei.
Daar is besluit om nie ‘n waarde aan diefstal te heg nie, en die aanwesiges het ‘n konsensus bereik dat elke tradisionele leier oor die gepaste boete sal besluit, afhangende van die waarde van die gesteelde goedere.
Diegene wat daarvan beskuldig word dat hulle ’n natuurlike waterbron – wat deur mense en diere gebruik word – besoedel het, sal ’n boete van N$200 betaal.
Die fooi vir die toekenning van ‘n mahangu-land is een bees of N$600, terwyl grond vir die oprigting van ‘n sjebeen N$150 beloop en N$50 vir die tradisionele brousel otombo.
Die reëls en boetes word elke vyf jaar gewysig of wanneer dit nodig is.
– [email protected]
Kommentaar
Republikein
Geen kommentaar is op hierdie artikel gelaat nie