Nie altyd tot die dood ons skei

Stygende egskeidings en veranderende huwelikspatrone in die Khomasstreek beklemtoon die toenemende behoefte aan regsbeskerming vir gades en kinders.

Statistikus-generaal, Alex Shimuafeni van die Namibiese Statistiek­agentskap (NSA), het Woensdag bevestig dat sowat agt uit tien vroue in Khomas geskeides is, volgens die vrystelling van die Khomasstreek se bevolking- en behuisingsensus van 2023.

“Wanneer ons na huwelikstatus kyk, is omtrent die helfte van die bevolking getroud, hetsy wettig of tradisioneel, terwyl ander enkellopend, ’n weduwee of wewenaar, geskei of van bed en tafel geskei is,” het hy gesê.

Egskeidingsake neem die afgelope jare toe, met berigte wat aandui dat meer as 1 000 sake jaarliks gemiddeld ingedien word.

Die hoërhofrol van Namibië het byvoorbeeld 119 egskeidingsake op 25 April 2022 gehad.

Die mees onlangse rekord toon ’n totaal van 111 egskeidingsake, met 67 in Windhoek en die hoërhof wat 44 egskeidingsake hanteer.

DERDE IN AFRIKA

Namibië het tans die derde hoogste egskeidingsyfer in Afrika, ná Suid-Afrika en Tunisië – ’n opvallende rangorde in ’n samelewing waar die huwelik steeds wyd as ’n gemeenskapsverbond eerder as ’n private kontrak beskou word.

Data dui aan dat die hoërhof reeds byna 200 egskeidingsake tot dusver vanjaar hanteer het – ’n skelle ontstellende syfer wat skerp afsteek teen die prag en praal van uitspattige bruilofseremonies, huweliksbeloftes in die openbaar en verbintenisse wat deur families onderhandel is.

In Namibië is bruilofte groot tradisisionele seremonies. Families reis lang afstande, vee word geslag, trou-venus word met blomme versier en beloftes word voor familie, vriende, bure en voorouers gemaak.

Die huwelik word steeds aangebied as ’n eer, eenheid en volwassenheid – alles saamgebind in een enkele, sorgvuldig beplande en swierige geleentheid.

ONDERHOUD, TOESIG

Paartjies sal nie meer gedwing word om huwelikspligte te hervat of om ’n geregtelike skeiding te soek om te bewys dat hul huwelik onherroeplik verbrokkel het nie.

Enige gade kan nou aansoek doen vir onderhoud, wat die hof op ’n tussentydse of voortgesette basis kan toestaan om hulle te teen ekonomiese ontbering te beskerming wat uit die verbrokkeling van die huwelik spruit.

’n Jaar gelede het Network Media Hub (NMH) berig dat gade-onderhoud as ’n enkelbedrag of as betalings oor ’n tydperk betaal kan word, afhangend van die gades se ouderdom, inkomste, duur van die huwelik en vlak van finansiële behoefte.

Die wet bevat ook sterk bepalings vir kinderbeskerming en bepaal dat geen egskeiding toegestaan sal word tensy geskikte reëlings getref is vir ’n kind se toesig, voogdyskap, toegang of onderhoud nie – alles in die kind se beste belang.

Gesamentlike toesig sal slegs toegestaan word indien albei ouers as geskik geag word om vir die kind te sorg, deurlopende kontak te handhaaf, en deur die kind as emosioneel ondersteunend beleef word, terwyl hulle ook naby genoeg woon om gesamentlike sorg prakties te maak. Verder kan ouers wat skei nie meer hul kinders as pionne teen mekaar gebruik nie, aangesien die hof ’n onderhoudsbevel kan herroep indien toegang tot die kind geweier word.

– [email protected]