Namibië word nié 'n polisiestaat, sê Kawana

Tuyeimo Haidula op Oshakati – Die minister van binnelandse sake, immigrasie, veiligheid en sekuriteit, Albert Kawana, het vrese in die kiem gesmoor dat Namibië &#039;n polisiestaat word waar aktiviste vir maatskaplike geregtigheid geteiken word vir arrestasies en teistering.Die gereelde inhegtenisnemings van die Namibia Economic Freedom Fighters (NEFF) se ekonomiese kommissaris, Michael Amushelelo, en die aanhouding van Affirmative Repositioning (AR)-aktiviste by Tsumeb die afgelope Saterdag het opskuddings veroorsaak. Amushelelo en die AR-medestigter Dimbulukeni Nauyoma het maande in die tronk deurgebring nadat hulle in Mei 2022 in hegtenis geneem is nadat eersgenoemde gedreig het om die Chinatown-winkelkompleks in Windhoek te sluit.Ses ander mense wat dieselfde klagte as die twee mans in die gesig moes staar – maar geen politieke amp beklee nie – is nie in aanhouding geplaas nie, wat aanleiding gegee het tot beskuldigings dat beide die polisie en die howe as wapens in politieke gevegte gebruik word.Amushelelo is vanjaar nog drie keer in hegtenis geneem. Een keer was in Januarie, toe hy saam met werknemers van Craft Bistro in Windhoek aan ’n protesaksie deelgeneem het. Dieselfde maand is hy in Walvisbaai gearresteer terwyl hy in solidariteit met Shoprite-werkers gestaan het.Hy is weer in Februarie in hegtenis geneem nadat hy deelgeneem het aan &#039;n openbare betoging deur die Windhoek-munisipaliteit se straatskoonmakers wat vullisdromme op strate in die middestad omgedop het terwyl hulle beter werksomstandighede geëis het.Die afgelope naweek is die AR-aktiviste Johannes Johannes en Josiah Pomwene asook twee ander mense, Matues Malesu en Aune Siteketa, op Tsumeb in hegtenis geneem by &#039;n byeenkoms wat oorspronklik as &#039;n mediakonferensie belê is, maar waar gemeenskapslede ook opgedaag het oor kwessies wat verband hou met die Kap-en-Bou-plaas by die dorp.Die vier het Maandag in die hof verskyn en is almal borgtog van N$1 000 elk toegestaan. Hulle is aangekla van openbare geweld en polisie-aanranding.SKENDING VAN MENSEREGTEDié gebeure het die AR se tussentydse voorsitter in die Erongostreek, Knowledge Ipinge, genoop om &#039;n brief aan Kawana te skryf waarin hy sogenaamde ernstige menseregteskendings, die onderdrukking van menseregte-aktiviste en magsmisbruik deur sekere elemente binne die polisie aan die kaak stel.“Dit is baie tragies om te sien hoe [die polisie] barbaarse magsmisbruik soortgelyk aan die apartheidspolisie se brutaliteitstaktiek toepas, wat teruggespoor kan word na die slagting van 10 Desember 1959 – met inagneming van die mate waarin [die polisie] &#039;n anargistiese arrestasiekultuur aanneem en oor die afgelope weke politieke agendas van apologete van wit monopolie dryf,” het die brief gelui. Kawana het gesê bekommernisse oor maatskaplike aktiviste wat deur polisiebeamptes “onderdruk” en elke tweede week in die tronk gegooi word, is ongegrond.“Ek sal nie die woord ‘onderdrukking’ gebruik nie. Dit het geëindig toe Namibië onafhanklikheid verkry het,” het hy gesê en bygevoeg artikel 21 van die fundamentele vryhede in die Namibiese Grondwet stel duidelik dat “alle persone die reg sal hê om vreedsaam en sonder wapens te vergader”. “Dit beteken hulle kan sonder wapens – spiese, messe of gewere – protes aanteken. ’n Persoon wat vreedsaam betoog en nie geweld aanhits nie, word deur die wet beskerm,” het Kawana gesê.Die minister het bygevoeg sommige aktiviste gebruik geweld en eis toegang tot private ondernemings – of mense daarvan hou of nie – en dat hulle uiteindelik winkels laat sluit.“Wat van die reg van diegene wat die winkel wil binnegaan en hul items wil koop?” het hy gevra.Kawana het verder gesê die polisiemandaat is baie duidelik; om wet en orde te handhaaf, nie om arbeidsgeskille op te los nie.ARBEIDSKWESSIES“Julle hits geweld aan en die polisie moet ingeroep word om wet en orde te handhaaf. Die polisie het niks met arbeidskwessies te doen nie. Ons is nie arbeidsinspekteurs nie. Laat die ministerie van arbeid aandag daaraan gee, sowel as vakbonde."Ons sal net seker maak dat die regte van die werknemers en dié van die werkgewers gerespekteer word sonder om kant te kies," het hy gesê.Hy het bygevoeg betogers moet aan polisie-instruksies voldoen en intimidasie vermy. – republikein@republikein.com.na

Namibië word nié 'n polisiestaat, sê Kawana

Kommentaar

Republikein 2025-05-01

Meld asseblief aan om kommentaar te lewer

Namibië word nié 'n polisiestaat, sê Kawana

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie