Ministerie verhaal N$2 miljoen in onbetaalde lone
Die ministerie van justisie en arbeidsverhoudinge het deur sy arbeidsinspektoraat meer as N$2 miljoen se lone wat onwettig teruggehou is, verhaal, asook statutêre eise van werkgewers wat nie gedurende die 2024-’25-boekjaar aan die nodige vereistes voldoen het nie.
Die ministerie het Woensdag in ’n verklaring bevestig dat die geld namens gegriefde werkers uit verskeie sektore teruggeëis is. Dié bedrag verteenwoordig uitstaande lone en ander werknemerverwante voordele wat van werknemers weerhou is.
Die verhalingsproses het gevolg op die voltooiing van 3 317 arbeidsverwante klagtes uit ’n totaal van 4 176 wat tussen 1 April 2024 en 31 Maart 2025 by die ministerie gelê is.
Volgens die ministerie hou die meeste voorvalle verband met die wanbetaling van vergoeding en oortyd, werkers wat nie vergoed word as hulle op ’n Sondag en openbare vakansiedag gewerk het nie, sowel as ongemagtigde of buitensporige salarisaftrekkings.
Die hoogste verhaling is in die sentrale streek aangeteken, wat Windhoek, Gobabis, Rehoboth, Okahandja, Omaruru, Swakopmund en Walvisbaai insluit en wel N$722 119. In die suidelike streek wat Mariental, Keetmanshoop, Karasburg, Noordoewer, Rosh Pinah, Oranjemund, en Lüderitz dek, is slegs N$130 608 van werkgewers verhaal.
“Die verhaling beklemtoon die ministerie se verbintenis tot die beskerming van werkers se regte en die toepassing van die arbeidswet.
“Dit skets egter ook ’n onrusbarende prentjie van werkgewers wat ongewillig is om selfs die mees basiese wetlike verpligtinge teenoor hul werknemers na te kom,” het die ministerie gesê.
Benewens die verhaling van onbetaalde lone, het die ministerie ook 1 739 inspeksies gedurende dieselfde tydperk uitgevoer en in ooreenstemming met basiese werksvoorwaardes soos vervat in hoofstuk drie van die arbeidswet.
Die voorwaardes sluit in vergoeding, werksure, verlofdae, voorsiening vir verblyf asook die beëindiging van ’n kontrak of dienste. Uit al die inspeksies wat gedoen is, het 1 380 werkplekke aan die nodige vereistes voldoen, terwyl 353 in stryd met die wet was.
Die ministerie het ’n beroep op alle werkgewers gedoen om wetlike voldoening nie net as ’n statutêre verpligting te sien nie, maar as ’n morele verantwoordelikheid teenoor hul werksmag wat gehandhaaf moet word sonder dat ingryping nodig is.
– [email protected]
Die ministerie het Woensdag in ’n verklaring bevestig dat die geld namens gegriefde werkers uit verskeie sektore teruggeëis is. Dié bedrag verteenwoordig uitstaande lone en ander werknemerverwante voordele wat van werknemers weerhou is.
Die verhalingsproses het gevolg op die voltooiing van 3 317 arbeidsverwante klagtes uit ’n totaal van 4 176 wat tussen 1 April 2024 en 31 Maart 2025 by die ministerie gelê is.
Volgens die ministerie hou die meeste voorvalle verband met die wanbetaling van vergoeding en oortyd, werkers wat nie vergoed word as hulle op ’n Sondag en openbare vakansiedag gewerk het nie, sowel as ongemagtigde of buitensporige salarisaftrekkings.
Die hoogste verhaling is in die sentrale streek aangeteken, wat Windhoek, Gobabis, Rehoboth, Okahandja, Omaruru, Swakopmund en Walvisbaai insluit en wel N$722 119. In die suidelike streek wat Mariental, Keetmanshoop, Karasburg, Noordoewer, Rosh Pinah, Oranjemund, en Lüderitz dek, is slegs N$130 608 van werkgewers verhaal.
“Die verhaling beklemtoon die ministerie se verbintenis tot die beskerming van werkers se regte en die toepassing van die arbeidswet.
“Dit skets egter ook ’n onrusbarende prentjie van werkgewers wat ongewillig is om selfs die mees basiese wetlike verpligtinge teenoor hul werknemers na te kom,” het die ministerie gesê.
Benewens die verhaling van onbetaalde lone, het die ministerie ook 1 739 inspeksies gedurende dieselfde tydperk uitgevoer en in ooreenstemming met basiese werksvoorwaardes soos vervat in hoofstuk drie van die arbeidswet.
Die voorwaardes sluit in vergoeding, werksure, verlofdae, voorsiening vir verblyf asook die beëindiging van ’n kontrak of dienste. Uit al die inspeksies wat gedoen is, het 1 380 werkplekke aan die nodige vereistes voldoen, terwyl 353 in stryd met die wet was.
Die ministerie het ’n beroep op alle werkgewers gedoen om wetlike voldoening nie net as ’n statutêre verpligting te sien nie, maar as ’n morele verantwoordelikheid teenoor hul werksmag wat gehandhaaf moet word sonder dat ingryping nodig is.
– [email protected]
Kommentaar
Republikein
Geen kommentaar is op hierdie artikel gelaat nie