Meer as 600 meisies, 32 seuns in 10 maande verkrag

INGRID BOOYSEN - Van Augustus 2022 tot Junie vanjaar is altesaam 759 gevalle van geslagsgebaseerde geweld (GBV) wat teen kinders onder die ouderdom van 17 gepleeg is, landswyd by die polisie aangemeld, toon statistieke. Kinders is ook onderwerp aan moord, ontvoering, kwaadwillige besering, poging tot moord, aanranding, brandstigting en aborsie.Minderjariges, wat gereeld aan verskeie vorme van geweld onderwerp word, is van die mees kwesbare slagoffers van GBV.Amptelike statistieke van die Namibiese polisie toon tussen Augustus 2022 en Junie 2023 was altesaam 32 seuns onder die ouderdom van 17 slagoffers van verkragting, terwyl meisies die oorweldigende meerderheid – 660 – van verkragtingsake wat tydens die dieselfde tydperk aangemeld is, uitgemaak het.Daarteenoor was 767 kinders slagoffers van GBV-misdade vir die 2021-’22-jaar onder oorsig, met 577 van hulle wat glo verkrag is. Gedurende die tydperk 2020–’21 was altesaam 708 minderjariges slagoffers van geslagsgebaseerde geweld, met verkragtingsake wat boaan die misdaadlys was op 564.BANG OM NA VORE TE KOM Die statistieke het ook aan die lig gebring dat huishoudelike geweld ’n bydraende faktor was in verkragtingsake wat aangemeld is, met 48 sake wat onder seuns aangemeld is en vier onder meisies tussen Augustus 2022 en Junie vanjaar.Hierdie statistieke is slegs vir sake wat amptelik by die polisie aangemeld is. Ongerapporteerde gevalle kan hoër wees, soos gereeld uitgelig word.Lede van die publiek word versoek om sake by hul naaste polisiekantoor aan te meld om oortreders aanspreeklik te hou.OORTREDERS BESKERM Die presidentsvrou Monica Geingos, ’n kampvegter teen kindermishandeling, verkragting en ander vorme van gesinsgeweld, het eens opgemerk: "Die tragedie is dat die werklike aantal kinderverkragtings in Namibië waarskynlik hoër sal wees as gevolg van die oortreders wat deur familie en vriende beskerm word wat óf nie die kind glo nie, die familienaam wil beskerm óf nie die oortreder in die tronk wil sien nie, veral as die beskuldigde ’n posisie van invloed beklee of die broodwinner is. Ons moet hierdie siklus verbreek ten einde gevalle van seksuele geweld te verminder.”Seksuele misbruik van kinders vind plaas op plekke waar kinders veronderstel is om beskerm te word, dikwels deur iemand wat hulle veronderstel is om te vertrou, het Geingos gewaarsku.Sy het opgemerk dat jonger kinders en kinders met gestremdhede ’n groter risiko loop omdat hulle maklik gemanipuleer word en sal sukkel om in die hof te getuig. – republikein@republikein.com.na

Meer as 600 meisies, 32 seuns in 10 maande verkrag

Kommentaar

Republikein 2026-06-19

Meld asseblief aan om kommentaar te lewer

Meer as 600 meisies, 32 seuns in 10 maande verkrag

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.