Haglike toestande heers by Noordedorp se enkelkwartiere

Grootfontein se enkelkwatiere (single quarters) is die tuiste van meer as 300 permanente inwoners wat in walglike omstandighede tussen riool en vullis moet leef. Daarbenewens is misdaad in dié gebied ook ’n probleem. Inwoners beweer dat hul klagtes op dowe ore val en hulle alle vertroue in dié dorp se munisipaliteit verloor het.Baie van die inwoners het vrede gemaak met die riool en stank rondom die enkelkwartiere, maar ouers vrees steeds vir hul kinders se gesondheid.Hafeni Haimbonde, ’n 65-jarige inwoner, het die talle uitdagings uitgelig wat die gemeenskap in die gesig staar en genoem dat hul hoofbekommernis die toilet is wat glo ernstige gesondheidsrisiko’s inhou.“Dit kan nie spoel nie en die water loop heeltyd. Jy sien net hoe die kinders siek word nadat hulle in die water gespeel het. Ons is baie wat daardie toilet gebruik, miskien 300.Nog ’n probleem wat Haimbonde uitgelig het, is die onwettige plakkers in die gebied.“Ons het ons hande vol met onwettige plakkers wat kom drink en onder die bome huise oprig of slaap. Hulle gebruik ook daardie toilet,” het hy gesê en bygevoeg dat die toestroming van plakkers glo ook die misdaadsyfer laat toeneem het.Volgens Haimbonde is misdaad ’n groot probleem in dié gebied en een persoon is al dood. Alkoholmisbruik is ook ’n groot uitdaging in die gemeenskap. Inwoners leef glo in konstante vrees en daar is veral kommer oor die veiligheid van vroue en kinders.“Ons maan altyd die kinders en vroue om nie die toilet binne te gaan wanneer hulle vreemdelinge sien nie,” het Haimbonde gesê.GEEN HUISWillem Kharab is een van die plakkers in die gebied. Hy is werkloos en het geen ander heenkome.“Waarheen moet ek gaan? Ek het al vir ’n huis by die raad gevra, maar ek het niks gekry nie. Ek het geen werk om vir ’n huis te betaal nie. “Ek tel net blikkies op en verkoop dit vir iets om te eet,” het hy gesê terwyl hy deur sy inkopietrollie krap.Kharab se lot word deur sy vriend Vasco Anton gedeel wat dikwels langs ’n rioolstroom slaap.“Dit is hoe ek slaap, langs die vrot toilet. Dit is stukkend en werk nooit. Ek het kinders, maar hulle leef ook soos ek op straat,” het Anton gesê. – republikein@republikein.com.na

Haglike toestande heers by Noordedorp se enkelkwartiere

Kommentaar

Republikein 2025-11-04

Meld asseblief aan om kommentaar te lewer

Haglike toestande heers by Noordedorp se enkelkwartiere

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.