Gemeenskappe lei inisiatiewe teen MIV

Yolanda Nel - In ’n poging om die talle uitdagings te takel wat MIV/vigs in Namibië stel, is die Catholic AIDS Action (CAA), ’n onafhanklike trust, tans aktief betrokke by gemeenskapsgebaseerde ingrypings. Die organisasie, wat op voetsoolvlak werk, fokus nie net op individue wat met MIV leef nie, maar brei ook sy ondersteuning uit na diegene wat ander maatskaplike probleme in die gesig staar, veral dié rondom armoede, kwesbaarheid en geslagsgebaseerde geweld (GBV).Tydens ’n onlangse oorhandigingsgeleentheid as deel van Namibia Media Holdings se Give Hope Charity-inisiatief, het Lorenz Hembapu, die direkteur van die CAA, die organisasie se pogings uitgelig om in die uiteenlopende behoeftes van diegene wat deur MIV/vigs geraak word, te voorsien. Die organisasie is werksaam in die kategorieë van biomediese behoeftes vir diegene wat nuut gediagnoseer is en maatskaplik-ekonomiese behoeftes vir diegene op antiretrovirale behandeling (ART), en implementeer projekte soos inisiatiewe om veerkragtigheid te bou, tuinbouprojekte en ondersteuningsgroepe.Namibië vier ook vandag Wêreldvigsdag met ’n nasionale geleentheid wat in Mariental aangebied word met die fokus op die tema van gemeenskapsbemagtiging. “Ons moet prestasies in die vermindering van sterftesyfers vier. Gemeenskapsgeleide inisiatiewe is dus belangrik om stigma te bekamp en oop gesprekke oor MIV/vigs aan te moedig.”Die Verenigde Nasies (VN) se gesamentlike program oor MIV/vigs (UNAIDS Global AIDS Update) is vroeër deur Winnie Byanyima, die uitvoerende direkteur van UNAIDS en die adjunk-sekretaris-generaal van die VN, bekendgestel en sit ’n pad uiteen om die vigs-epidemie te beëindig en berei rolspelers voor vir toekomstige uitdagings. In Namibië toon bemoedigende statistieke dat 95% van volwassenes tussen die ouderdomme van 15 en 49 bewus is van hul MIV-status, met 97% wat toegang verkry tot behandeling en 94% wat virale lading onderdrukking bereik het. Die CAA bly verbind tot sy missie en dra aansienlik by tot die stryd teen MIV/vigs in Namibië. – republikein@republikein.com.na

Gemeenskappe lei inisiatiewe teen MIV

Kommentaar

Republikein 2025-05-01

Meld asseblief aan om kommentaar te lewer

Gemeenskappe lei inisiatiewe teen MIV

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie