DRC ontvang ses sanitasiesentrums
Slegs 'n 'tydelike oplossing'
Die burgemeester van Swakopmund het 'n beroep op begunstigdes gedoen om verantwoordelikheid te neem en die sentrums goed te onderhou.
Desiree Gases
Swak sanitasie hou erge negatiewe gevolge vir mense se gesondheid en die omgewing in deur siektes en besoedeling te veroorsaak.
So het die burgemeester van Swakopmund, Dina Namubes, verlede Woensdag gesê tydens die oorhandiging van ses sanitasiesentrums onder gemeenskapsbestuur in die informele nedersetting DRC.
Namubes het verduidelik die geriewe is op verskeie oop ruimtes in DRC opgerig, naamlik erwe 7539, 8146, 8438, 8664, 10323 en 10322. “Die sentrums bestaan uit ’n mans- en vrouetoilet, sowel as ’n kiosk wat bestuur, in stand gehou en skoon gehou sal word deur ’n lid van die DRC-gemeenskap wat deur die gemeenskapsleiers gekies sal word.”
Sy het die begunstigdes gerusgestel die sanitasiesentrums is slegs ’n tydelike oplossing vir die probleem van openbare ontlasting in DRC in afwagting op die afhandeling van die eienaarskap van huiserwe vir dié begunstigdes.
Intussen sal die dorpsraad voortgaan om strategieë te ontwikkel en uit te voer om sanitasiedienste in die gemeenskappe te verbeter, veral in die informele nedersettings, het sy gesê.
“Die raad het onlangs begin met die proses van die ondertekening van eienaarskapsertifikate wat sal verseker dat inwoners van DRC en Wagdaar huiseienaars word. Gevolglik sal hulle toegang hê tot water en elektriese dienste, wat hulle in staat sal stel om in die toekoms hul eie latrines te bou.”
Sy het ook ’n beroep op begunstigdes gedoen om verantwoordelikheid te neem en die sentrums goed te onderhou. “Laat ons die sanitasie van ons omgewing handhaaf om siektes as gevolg van besoedeling te vermy.”
Inwoners was ongelukkig omdat hulle kilometers ver moes stap om toegang tot water te kry en hulself te verlig, en het hul dankbaarheid teenoor die raad uitgespreek vir hul vlak van toewyding tot die verbetering van sanitasiedienste in DRC.
– [email protected]
Swak sanitasie hou erge negatiewe gevolge vir mense se gesondheid en die omgewing in deur siektes en besoedeling te veroorsaak.
So het die burgemeester van Swakopmund, Dina Namubes, verlede Woensdag gesê tydens die oorhandiging van ses sanitasiesentrums onder gemeenskapsbestuur in die informele nedersetting DRC.
Namubes het verduidelik die geriewe is op verskeie oop ruimtes in DRC opgerig, naamlik erwe 7539, 8146, 8438, 8664, 10323 en 10322. “Die sentrums bestaan uit ’n mans- en vrouetoilet, sowel as ’n kiosk wat bestuur, in stand gehou en skoon gehou sal word deur ’n lid van die DRC-gemeenskap wat deur die gemeenskapsleiers gekies sal word.”
Sy het die begunstigdes gerusgestel die sanitasiesentrums is slegs ’n tydelike oplossing vir die probleem van openbare ontlasting in DRC in afwagting op die afhandeling van die eienaarskap van huiserwe vir dié begunstigdes.
Intussen sal die dorpsraad voortgaan om strategieë te ontwikkel en uit te voer om sanitasiedienste in die gemeenskappe te verbeter, veral in die informele nedersettings, het sy gesê.
“Die raad het onlangs begin met die proses van die ondertekening van eienaarskapsertifikate wat sal verseker dat inwoners van DRC en Wagdaar huiseienaars word. Gevolglik sal hulle toegang hê tot water en elektriese dienste, wat hulle in staat sal stel om in die toekoms hul eie latrines te bou.”
Sy het ook ’n beroep op begunstigdes gedoen om verantwoordelikheid te neem en die sentrums goed te onderhou. “Laat ons die sanitasie van ons omgewing handhaaf om siektes as gevolg van besoedeling te vermy.”
Inwoners was ongelukkig omdat hulle kilometers ver moes stap om toegang tot water te kry en hulself te verlig, en het hul dankbaarheid teenoor die raad uitgespreek vir hul vlak van toewyding tot die verbetering van sanitasiedienste in DRC.
– [email protected]
Kommentaar
Republikein
Geen kommentaar is op hierdie artikel gelaat nie