Dokumentêr fokus op dwelmmisbruik

Sy het besef maatskaplike euwels was besig om kinders se lewens oor te neem, en daarom het sy reeds in 2016 met die jeug van Walvisbaai begin werk. In 2019 begin die joernalis, skrywer en filantroop, Taati Niilenge, en haar vriende Projek 29 met die doel om die hawedorp se jeug tot “doelgerigte, godvresende en akademiese reuse” te ontwikkel.In die drie jaar voor die aanvang van die projek het dit vir haar duidelik geword dat dwelmmisbruik onder die jongmense op Walvisbaai besig was om die dorp oor te neem, vertel Taati.Geskokte ouers het begin kla oor hul kinders se ongehoorsame gedrag en hul mislukkings op skool. Kinders so jonk as sewe jaar oud wat by bendes en kriminele bedrywighede betrokke raak, met die polisie wat toenemend skole moes besoek.“Ek het meer tyd by skole deurgebring waar kinders vanaf die ouderdom van sewe jaar met gevaarlike voorwerpe, soos messe, gesteelde geld en ander items betrap is. “Ek sou ouers by die skool vind wat geen idee gehad het wat aangang nie en dan eers danksy hul kinders se bekentenisse uitvind hulle was betrokke by diefstal, bendes en dwelmmisbruik wat die grootste sondebok was,” sê Taati.As joernalis, skrywer en vervaardiger met verskeie boeke en dokumentêre programme onder haar naam, het sy besluit om ’n program oor die euwels en verwoesting van dwelms te maak om sodoende bewusmaking te probeer skep. “Ons het almal al probeer. Die polisie het hul bewusmakingsveldtogte by skole opgeskerp, gemeenskapsopvoeders en beraders het vergadering na vergadering by skole en kerke gehou.”Sommige jongmense kon gered word en het dit selfs tot op universiteit gemaak, maar elke dag is daar nuwes wat steeds in die dwelmstrik trap. Met haar nuwe dokumentêr hoop Taati dat lede van die gemeenskap en veral ouers sal sien wat die tekens is om voor op te let en waar om vir hulp aan te klop. “Ek is bekommerd oor die dwelmsituasie onder jongmense in my dorp en land. Baie ma’s bel my en huil oor hul kinders. Dit is vakansie en ek weet dit gaan erger word.”Taati gaan die dokumentêr Stolen Youth: Hostages of Drug Addiction gratis op versoek aan kerk- en jeuggroepe beskikbaar stel vir bewusmaking en hulp. – henriette@republikein.com.na

Dokumentêr fokus op dwelmmisbruik

Kommentaar

Republikein 2025-11-05

Meld asseblief aan om kommentaar te lewer

Dokumentêr fokus op dwelmmisbruik

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.