Chaos tydens uitbetaling van maatskaplike toelaes
Die regering en NamPost het ooreengekom om strenger beheermaatreëls te implementeer vir die uitbetaling van maatskaplike toelaes ná buitengewone lang rye en opeenhopings by poskantore gedurende die Januarie-betalingsiklus.
In ’n verklaring wat Woensdag uitgereik is, het NamPost gesê daar het erge opeenhopings by verskeie takke voorgekom nadat groot getalle begunstigdes betalings buite die goedgekeurde skedule ontvang het.
Meer as 37 000 ontvangers van maatskaplike toelaes is op die eerste dag van die siklus betaal, wat die verwagte 28 000 ver oorskry en aansienlike druk op dienste by NamPost-takke geplaas het.
Om orde te herstel, sal die ministerie van finansies en NamPost vanaf gister betalings binne takke streng beperk tot die toelaekategorieë wat vir spesifieke betaaldae geskeduleer is. Die stap het ten doel om nakoming van die betalingsprogram af te dwing, ordelike dienslewering te ondersteun en NamPost in staat te stel om kliëntvolumes by poskantore beter te bestuur.
NamPost het gesê bykomende mobiele betaalspanne sal ook by uitgesoekte groter takke ontplooi word om met uitbetalings te help en opeenhopings te verlig. Dit terwyl ekstra personeel by takke ontplooi sal word om omkeertye te verbeter en wagtydperke te verminder.
“Die regering en NamPost doen weer eens ’n beroep op alle begunstigdes en lede van die publiek om streng by die gepubliseerde betalingsprogram by takke te hou en vir mobiele betalingspanne by aangewese betaalpunte te wag,” lui die verklaring.
Volgens NamPost is die oorblywende betalingskedule by NamPost-takke vir Januarie soos volg: Kontanttoelaes vir kinders van 15 tot 17 Januarie en die basiese inkomste-kontanttoelae van 19 tot 20 Januarie.
Die maatreëls, het NamPost gesê, is daarop gemik om gladder betalingsprosesse en verbeterde doeltreffendheid in alle streke te verseker.
– [email protected]
In ’n verklaring wat Woensdag uitgereik is, het NamPost gesê daar het erge opeenhopings by verskeie takke voorgekom nadat groot getalle begunstigdes betalings buite die goedgekeurde skedule ontvang het.
Meer as 37 000 ontvangers van maatskaplike toelaes is op die eerste dag van die siklus betaal, wat die verwagte 28 000 ver oorskry en aansienlike druk op dienste by NamPost-takke geplaas het.
Om orde te herstel, sal die ministerie van finansies en NamPost vanaf gister betalings binne takke streng beperk tot die toelaekategorieë wat vir spesifieke betaaldae geskeduleer is. Die stap het ten doel om nakoming van die betalingsprogram af te dwing, ordelike dienslewering te ondersteun en NamPost in staat te stel om kliëntvolumes by poskantore beter te bestuur.
NamPost het gesê bykomende mobiele betaalspanne sal ook by uitgesoekte groter takke ontplooi word om met uitbetalings te help en opeenhopings te verlig. Dit terwyl ekstra personeel by takke ontplooi sal word om omkeertye te verbeter en wagtydperke te verminder.
“Die regering en NamPost doen weer eens ’n beroep op alle begunstigdes en lede van die publiek om streng by die gepubliseerde betalingsprogram by takke te hou en vir mobiele betalingspanne by aangewese betaalpunte te wag,” lui die verklaring.
Volgens NamPost is die oorblywende betalingskedule by NamPost-takke vir Januarie soos volg: Kontanttoelaes vir kinders van 15 tot 17 Januarie en die basiese inkomste-kontanttoelae van 19 tot 20 Januarie.
Die maatreëls, het NamPost gesê, is daarop gemik om gladder betalingsprosesse en verbeterde doeltreffendheid in alle streke te verseker.
– [email protected]
Kommentaar
Republikein
Geen kommentaar is op hierdie artikel gelaat nie