Beskermingswette vir gestremdes in die kollig

Nikanor Nangolo - Die nasionale raad vir mense met gestremdhede (NDCN) het onlangs ’n tweedaagse werksessie oor wetgewingshersiening by die MTC Dome in Swakopmund aangebied.Die fokus van die geleentheid was op die opstel van ’n konsepwet op persone met gestremdhede sowel as die wysiging van die nasionale beleid oor gestremdheid, wat daarop gemik is om die beginsels wat in die Verenigde Nasies se konvensie vir die regte van mense met gestremdhede (UNCRPD) verskans is, in sy binnelandse statutêre raamwerke te implementeer.WYSIGINGVolgens Angelique Philander, die uitvoerende hoof van die NDCN, is die opstel van die wetsontwerp en die wysiging van die nasionale beleid, inisiatiewe wat die hele gemeenskap van mense met gestremdhede hartlik verwelkom.“Namibië het die UNCRPD in 2007 bekragtig. Ons het egter ’n verouderde beleid wat in 1997 opgestel is. Daarom was dit nodig vir die regering dat hierdie twee raamwerke gewysig, belyn en geharmoniseer word met nasionale, internasionale en streekraamwerke om voorsiening te maak vir alle kwessies rakende persone met gestremdhede – veral die beskerming van dié persone se regte – wat nie so omvattend in enige wetgewende raamwerk in Namibië is nie.”Philander het opgemerk dat die wetsontwerp op persone met gestremdhede saamgestel is om te verseker dat die regte van hierdie mense omvattend in Namibië beskerm word. “Ons poog ook terselfdertyd om die beginsels van die UNCRPD ter plaatse toe te pas, veral Artikel no. 4, wat Namibië se verpligting as ’n staatsparty uiteensit om die regte en behoeftes van persone met gestremdhede te beskerm.”DATA“Ons is ook besig om data in te samel om volledige inligting vir die wetsontwerp en die beleid tot ons beskikking te hê,” het sy gesê.In November en Oktober het hulle data ingesamel as deel van ’n loodsstudie.“Die Nasionale Statistiekagentskap (NSA) het ook na die verslag gekyk. Met hierdie beleid en wetsontwerp konsulteer ons oral in Namibië om te verseker dat elke kiesafdeling hul insette lewer om te verseker dat ons die regte en behoeftes van gestremde persone dek. Regulasies en ’n implementeringsplan sal ook uit hierdie beleid spruit, wat sal verseker dat ons kyk na die standaarde wat ontwikkel moet word om toeganklikheid en inklusiwiteit vir persone met gestremdhede te verseker," het Philander gesê.BESKERMINGNeville Andre, die goewerneur van die Erongostreek, het gesê die werkwinkel sal nie net verseker dat Namibië sy internasionale verpligtinge nakom nie, maar eweneens verseker dat gestremde persone in Namibië die nodige beskerming ontvang.Andre het beklemtoon dit is belangrik dat die oop en inklusiewe beleidskeppingsproses wat hierdie wetgewende raamwerke volg deursigtig, bewysgedrewe, toeganklik en op so ’n wye verskeidenheid burgers as moontlik van toepassing is, veral persone met gestremdhede. “Ons vertrou met die span se toewyding sal hierdie wetsontwerp en beleid teen die einde van hierdie jaar aan die parlement voorgelê word,” het hy gesê. – republikein@republikein.com.na

Beskermingswette vir gestremdes in die kollig

Kommentaar

Republikein 2026-02-03

Meld asseblief aan om kommentaar te lewer

Beskermingswette vir gestremdes in die kollig

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.